অখিল গগৈৰ মুক্তিৰ দাবীত অৰ্ধ উলংগ প্ৰতিবাদ

কৃষক মুক্তি সংগ্ৰাম সমিতিৰ মৰিগাঁও জিলা উদ্যোগত তথা সভাপতি দেবজিত পাটৰৰ নেতৃত্বত ৰূপায়িত এই প্ৰতিবাদী কাৰ্যসূচী ৷

মৰিগাঁও, 21 জুলাইঃ কাৰাবন্দী হৈ থকা অখিল গগৈৰ মুক্তিৰ দাবীত মঙলবাৰে মৰিগাঁৱত কৃষক মুক্তি সংগ্ৰাম সমিতি আৰু সহযোগী সংগঠনৰ উদ্যোগত অৰ্ধ উলংগ হৈ প্ৰতিবাদ সাব্যস্ত কৰে ৷ কৃষক মুক্তি সংগ্ৰাম সমিতিৰ মৰিগাঁও জিলা উদ্যোগত তথা সভাপতি দেবজিত পাটৰৰ নেতৃত্বত ৰূপায়িত এই প্ৰতিবাদী কাৰ্যসূচীত প্ৰতিবাদকাৰীসকলে হাতে অখিল গগৈ ফটো লৈ কৃষক নেতাগৰাকীৰ মুক্তিৰ দাবী তোলে ৷

পাচত প্ৰতিবাদস্থলীত আৰক্ষী উপস্থিত হৈ কাপোৰ পিন্ধাই অৰ্ধ উলংগ প্ৰতিবাদকাৰী সকলক ৷

চৰকাৰ বিৰোধী বিভিন্ন শ্ল’গানেৰে আকাশ বতাহ কপাই তোলে প্ৰতিবাদ কাৰী সকলে ৷ উল্লেখ্য যে, নাগৰিকত্ব সংশোধনী বিধেয়কৰ বিৰোধী আন্দোলনৰ অন্যতম নেতা অখিল গগৈক বিভিন্ন গোচৰত গ্ৰেপ্তাৰ কৰাৰ লগতে মাওবাদীৰে সম্পৰ্ক থকাৰ অভিযোগ তুলি ‘নিয়া’য়ো গ্ৰেপ্তাৰ কৰিছিল ৷ গুৱাহাটী কেন্দ্ৰীয় কাৰাগাৰত কাৰাৰুদ্ধ হৈ থকা সময়ত কৃষক নেতাগৰাকী কৰ’ণা ভাইৰাছত আক্ৰান্ত হৈ অসুস্থ হৈ পৰে ৷ এই খবৰ বিয়পি পৰাৰ লগে লগে অখিল গগৈৰ মুক্তিৰ দাবীত সমগ্ৰ অসমতে তীব্ৰ প্ৰতিবাদ গঢ়ি উঠে ৷

লগতে পঢ়কঃ জোনাইত গৰাখহনীয়া প্ৰতিৰোধৰ অপ্ৰাণ চেষ্টা কংগ্ৰেছ কৰ্মীৰ