মৰিগাঁও,25 মাৰ্চঃ ৭৯ নং অনুসূচীত জাতিৰ বাবে সংৰক্ষিত জাগীৰোড বিধানসভা সমষ্টিত কংগ্ৰেছ প্ৰাৰ্থী স্বপন কুমাৰ মণ্ডলৰ হৈ নিৰ্বাচনী প্ৰচাৰ চলাই ছত্তিশগড়ৰ মুখ্যমন্ত্ৰী ভূপেশ বাঘেলে ৷
জাগীৰোডত ছত্তিশগড়ৰ মুখ্যমন্ত্ৰী ভূপেশ বাঘেলৰ নিৰ্বাচনী প্ৰচাৰ
তেওঁ কয় যে "এইবাৰ জন সাধাৰণে পৰিৱৰ্তন বিচাৰিছে । অসমৰ জ্বলন্ত সমস্যা, বৰ্ধিত নিবনুৱা সমস্যা, মহিলাক সন্মান প্ৰদান, নগাঁও কাগজ কল পুনৰুজ্জীৱিত, মাফিয়া ৰাজৰ অৱসান ঘটাবলৈ কংগ্ৰেছক ভোট দান কৰক-বৃহস্পতিবাৰে জাগীৰোডত এই আহ্বান ছত্তিশগড়ৰ মুখ্যমন্ত্ৰী ভূপেশ বাঘেলৰ ৷ লগতে এইবাৰ কংগ্ৰেছ দলে ১০০+ আসন পাব বুলি সাংবাদিকৰ আগত মন্তব্য কৰে ৷
আনহাতে জাগীৰোডৰ এই বিশাল নিৰ্বাচনী সভাতে কংগ্ৰেছ দলৰ প্ৰাৰ্থী স্বপন মণ্ডলৰ হৈ প্ৰচাৰ চলাই ছত্তিশগড়ৰ মুখ্যমন্ত্ৰী ভূপেশ বাঘেলে বিজেপিক তীব্ৰ সমালোচনা কৰে ৷
