মৰিগাঁও,18 এপ্ৰিলঃ ৰহস্যজনকভাৱে সন্ধানহীন মৰিগাঁৱৰ এজন যুৱক ৷ পুত্ৰক বিচাৰি হিয়াভঙা কান্দোন মাতৃৰ ৷ ঘটনাৰ বিৱৰণী মতে মৰিগাঁও আৰক্ষী থানাৰ অন্তৰ্গত হেকেনামাৰা গাঁৱৰ ফাইজুল হক আৰু মমীৰুণ নেচাৰ কনিষ্ঠ পুত্ৰ 25 বছৰীয়া যুৱক ফৰিদুল ইছলাম দুমাহৰ পূৰ্বে ঘৰৰ পৰা যমুনামুখৰ মাদ্ৰাছা লৈ গৈ আজি পৰ্যন্ত সন্ধানহীন হৈ আছে ৷ সকলোতে বিচাৰ-খোচাৰ কৰিও কোনো সন্ধান নাপালে পিতৃ-মাতৃয়ে ৷ আনকি নিৰুপায় মাতৃয়ে কাষ চাপিলে কবিৰাজৰো ৷ এসপ্তাহৰ ভিতৰত নিখোজ পুত্ৰক উভতাই আনিম বুলি ভণ্ড কবিৰাজে টকা-পইচাও লুটিলে পিতৃ-মাতৃৰ পৰা ৷
ক'ত গ'ল মৰিগাঁৱৰ ফৰিদুল?
অৱশেষত,হেৰুওৱা পুত্ৰৰ সম্ভেদ বিচাৰি ইটিভি ভাৰতৰ কাষ চাপিলে পিতৃ-মাতৃ ৷ কুৰ্টা-পাঞ্জাৱী আৰু টুপি পৰিহিত যুৱকজনৰ সম্ভেদ পালে 6913802183 নম্বৰত পৰিয়াল অথবা আৰক্ষীক খবৰ দিবলৈ বিনম্ৰ অনুৰোধ জনাইছে পিতৃ-মাতৃয়ে ৷
