মৰিগাঁও, 6 অক্টোবৰ : মহা অষ্টমী উপলক্ষে ৰাজ্যৰ বিভিন্ন পূজা থলীৰ সমান্তৰালভাৱে মৰিগাঁৱৰ ঐতিহাসিক জালুগুটি সাৰ্বজনীন দুর্গা পূজা থলীতো ভক্তই ভিৰ কৰে । পুৱাৰ পৰা জাতি-ধৰ্ম-বৰ্ণ নিৰ্বিশেষে দূৰ্গতি নাশিনীৰ আশীষ বিচাৰি ভক্তই আগবঢ়াইছে পূজা অৰ্চনা ৷
মৰিগাঁৱত শতবৰ্ষ গৰকিলে জালুগুটি সাৰ্বজনীন দুর্গা পূজাই
চৌদিশে ঢাক-ঢোল, মংগল-উৰুলিৰ ধ্বনিত মুখৰিত হৈ পৰিছে সমগ্ৰ ৰাজ্য । ব্যতিক্ৰম নহয় শতবৰ্ষ গৰকা জালুগুটি সাৰ্বজনীন দূৰ্গা পূজা থলীও । বৈদিক ৰীতি-নীতিৰ লগতে বিভিন্ন কাৰ্যসূচী ৰূপায়ন কৰিছে উদযাপন সমিতিয়ে । কাৰ্যতঃ সমন্বয়ৰ বাৰ্তা কঢ়িয়াই আগন্তুক বৰ্ষতো বৰ্ণাঢ্য কাৰ্যসূচীৰে উদযাপন কৰিব শতবৰ্ষ গৰকা জালুগুটি সাৰ্বজনীন দুর্গা পূজাই । সেয়েহে, সকলোৱে সহায়-সহযোগিতা কামনা কৰিছে উদযাপন সমিতিয়ে ।
