মাজুলী,29 নৱেম্বৰঃ দেওবাৰে মাজুলীত অসমৰ মূখ্যমন্ত্ৰী সৰ্বানন্দ সোণোৱালে নৱগঠিত উজনী মাজুলী ৰাজহ চক্ৰৰ নৱ নিৰ্মিত এটি বাসগৃহ ফিটা কাতি শুভ উদ্ধোধন কৰে । এই অনুষ্ঠানতে গ্ৰাম্যঞ্চলৰ সূচল যাতায়ত আৰু স্বাবলম্বনৰ এক নতুন দিশৰ সূচনাৰে মুখ্যমন্ত্ৰী গ্ৰাম্য পৰিবহণ আঁচনিৰ অধীনত লঘু যান-বাহন প্ৰদানৰ কাৰ্যসূচীও শুভ উদ্ধোধন কৰে মুখ্যমন্ত্ৰী গৰাকীয়ে ।
এই অনুষ্ঠানতে ৰাজ্যিক দূৰ্যোগ ব্যৱস্থাপনাৰ বিভাগৰ পূঁজিৰে খেৰকটীয়া নদীৰ খহনীয়া প্ৰতিৰোধ আঁচনিৰ, সোৱণশিৰি মঠাউৰি সমলিকৰণ আঁচনিকে ধৰি ৰাজহ আৰু দুৰ্যোগ ব্যৱস্থাপনা বিভাগৰ বহু কেইখন খহনীয়া প্ৰতিৰোধ আচনিৰ শুভ উদ্ধোধন কৰে। ইয়াৰ উপৰিও মুখ্যমন্ত্ৰী গৰাকীয়ে জেংৰাইমূখ থানাৰ চৌহদত উপস্থিত হৈ অসম আৰক্ষীক পাকৈত আৰক্ষী হিচাপে গঢ়ি তোলাৰ স্বাৰ্থত মৈত্রী আঁচনীৰ অধীনত পি. ই. বি. প্ৰযুক্তিৰে নিৰ্মিত উন্নত সুবিধাযুক্ত আৰক্ষী নিৱাসৰ আধাৰশিলা স্থাপন অনুষ্ঠানত মুখ্যমন্ত্ৰী সৰ্বানন্দ সোণোৱালে মূখ্য অতিথি হিচাপে অংশ গ্ৰহণ কৰে ।
লগতে পঢ়কঃ JEE কেলেংকাৰীৰ অন্যতম অভিযুক্ত প্ৰদীপ কুমাৰক গ্ৰেপ্তাৰ
