বিহপুৰীয়াত বিদ্যুৎস্পৃষ্ট হৈ দুজন শ্ৰমিকৰ মৃত্য়ু

এয়াৰটেল টাৱাৰ সংযোগী ট্ৰাঞ্চফৰ্মাৰত বিদ্যুৎস্পৃষ্ট হৈ কৰুণ মৃত্যুক সাবটিলে দুই ঠিকাভিত্তিক কৰ্মচাৰীয়ে ৷

বিহপুৰীয়া,16 জুলাইঃ বানপানীৰ মাজতে লখিমপুৰ জিলাৰ বিহপুৰীয়াত শোকাৱহ দুৰ্ঘটনা ৷ দঙ্গিবিলত এয়াটেল টাৱাৰত সংযোগী ট্ৰাঞ্চফৰ্মাৰত বিদ্যুৎ স্পৃষ্ট হৈ মৃত্যুক সাবটিলে দুজন শ্ৰমিকে ৷ মৃত শ্ৰমিক দুজন বঙালমৰাৰ দৌলতপুৰৰ টাৱাৰৰ ঠিকাভিত্তিক কৰ্মচাৰী মঞ্জুৰ হুছেইন আৰু তফিজুল ইছলাম ৷ পানীৰ মাজত এয়াৰটেল টাৱাৰ সংযোগী ট্ৰাঞ্চফৰ্মাৰ মেৰামতি কৰি আছিল দুয়োজন শ্ৰমিকে ৷ ইয়াৰ মাজতে বিদ্যুৎ সৰবৰাহ হৈ শ্ৰমিক দুজনৰ মৃত্যু হোৱাৰ আশংকা পৰিয়ালৰ লোকৰ ৷ পুৱাৰে পৰা অঞ্চলটোত বিদ্যুৎ বিভাগে কৰ্তন কৰি ৰাখিছিল বিদ্যুৎ সেৱা ৷