Heavy Storm in Lakhimpur: নিশা অহা প্ৰচণ্ড ধুমুহাই তচনচ কৰিলে লখিমপুৰৰ বহু অঞ্চল, নিহত এজন লোক

মাজ নিশা সুখ নিদ্ৰাত মগ্ন সকলো । কিন্তু হঠাৎ বিজুলী ঢেৰেকনিৰে অহা এজাক প্ৰচণ্ড ধুমুহাই নিমিষতে তচনচ কৰি পেলালে সকলো (Storm devastated several areas of Lakhimpur overnight) । প্ৰবল ধুমুহাই উৰুৱাই লৈ যায় বহুতৰে মৰমৰ আপোন ঘৰখন । ধুমুহাৰ ফলত মৃত্যু হৈছে এজন লোকৰ ৷

লখিমপুৰ, ৮ আগষ্ট: লখিমপুৰত ধুমুহাৰ কালৰূপ ৷ ধুমুহাৰ ফলত বিস্তৰ ক্ষতি সাধন লখিমপুৰ নগৰৰ পশ্চিমাঞ্চলৰ বগলীজানৰ বৃহৎ অঞ্চল (Storm devastated several areas of Lakhimpur overnight)। বহু পৰিয়ালৰ ঘৰ-দুৱাৰ ভাঙি তচনচ কৰে প্ৰবল ধুমুহাজাকে। ধুমুহাৰ কবলত পৰি বিস্তৰ ক্ষতি অঞ্চলবাসীৰ।

মাজ নিশা অহা প্ৰবল ধুমুহাজাকে তচনচ কৰি গ’ল বহু পৰিয়ালৰ আপোন ঘৰখন ৷ ফলত চৌদিশে এক হাহাকাৰ আৰু আতংকময় পৰিৱেশৰ সৃষ্টি হৈছে । আনহাতে বহু স্থানত গছ বাগৰি যাতায়াত ব্যৱস্থাও হৈ পৰিছে ব্যাহত (Many trees falling on road) ।