লখিমপুৰ,১ জুলাই : সোমবাৰে লখিমপুৰৰ বগীনদীত ১৫নং ৰাষ্ট্ৰীয় ঘাইপথৰ কুলাবালিত ভয়ংকৰ পথ দুৰ্ঘটনা সংঘটিত হয়। দুৰ্ঘটনাটোত এজন লোকৰ থিতাতে মৃত্যু হোৱাৰ লগতে আন এজনক চিকিৎসালয়লৈ নিয়াৰ পথতে মৃত্যু হয়।
লখিমপুৰৰ দিশৰ পৰা AS-09M-8298 নম্বৰৰ আপাচি বাইক আৰু বগীনদী দিশৰ পৰা লখিমপুৰলৈ গৈ থকা AS-07N-0784 নম্বৰৰ গ্লেমাৰ বাইক এখনৰ মুখামুখী সংঘৰ্ষ হোৱাৰ ফলত এই দুৰ্ঘটনাটো সংঘটিত হয়। দুৰ্ঘটনাটোত গ্লেমাৰ খনৰ চালকজন থিতাতে নিহত হয়। নিহত লোকজন লখিমপুৰ গৰীয়াজানৰ নিবাসী ৰামা বাচফৰ বুলি চিনাক্ত কৰা হৈছে । ইপিনে গ্লেমাৰ খনত উঠি অহা ১০ বছৰীয়া কিশোৰ দুৰ্গা বাচফৰ গুৰুতৰভাৱে আহত হয় যদিও মৃত ৰামা বাচফৰৰ ৩ বছৰীয়া কন্যা চিমৰান বাস্ফাৰ দৈব্য ক্ৰমে কোনো আঘাত নোপোৱাকৈ ৰক্ষা পৰে । আনহাতে আপাচি খনৰ চালক ৰংপুৰীয়াৰ নিবাসী মনোজ ফুকনক চিকিৎসালয়লৈ নি থকা অৱস্থাতে মৃত্যু হয়। আৰু আপাচি খনত উঠি অহা লালচাম আলি গুৰুতৰ ভাৱে আহত হয় ।
