নাওবৈচা,১৫ জুলাইঃ লক ডাউনৰ মাজতে লখিমপুৰৰ নাওবৈচাৰ ফুলবাৰীৰ এটা দৰিদ্ৰ পৰিয়ালৰ মাজত লাগিছে হাহাকাৰ । হায়দৰাবাদত কৰ্মৰত জিলাখনৰ ফুলবাৰী ১ নং মাজগাঁৱৰ ৰাজীৱ কলিতা নামৰ ব্যক্তিজন সম্প্ৰতি গুৰুতৰভাৱে অসুস্থ হৈ চিকিৎসাধীন হ'বলগা হৈছে হায়দৰাবাদৰ ওচমানিয়া জেনেৰেল হাস্পতালত ।
হায়দৰাবাদত গুৰুতৰভাৱে অসুস্থ অসমৰ এজন ব্যক্তি ইতিমধ্যে শৰীৰৰ এটা ফাল সম্পূৰ্ণ বিকল হৈ পৰিছে ব্যক্তিজনৰ আৰু ইয়াৰ বাবেই এতিয়া দিকবিদিক হেৰুৱাই পেলাইছে ফুলবাৰীৰ ৰাজীৱ কলিতাৰ দৰিদ্ৰ পৰিয়ালটোৱে । কৰ্মৰত অৱস্থাতে দুটা দিনৰ পূৰ্বে আকস্মিকভাবে প্ৰেছাৰ ষ্ট্ৰক হৈ অসুস্থ হৈ পৰিছিল ব্যক্তিজন । প্ৰথমে কৰ্মৰত কোম্পানীটোৰ ফালৰ পৰা চিকিৎসালয়ত ভৰ্তি কৰা হৈছিল যদিও এতিয়া কোনো দায়িত্ব বহন কৰা নাই কোম্পানীৰ কৰ্তৃপক্ষই । ওছমানিয়া জেনেৰেল হাস্পতালত তেওঁৰ এজন বন্ধুৱে সম্প্ৰতি তত্বাৱধান কৰি আছে যদিও দেখা দিছে ব্যাপক অৰ্থ সংকটে ।
ৰাজীৱ কলিতাৰ পত্নীৰ বেংক একাউন্ট কাৰণ দীঘলীয়া চিকিৎসা চলিব, ইফালে হাতত যোগাৰ নাই টকা-পইচা । দুটা সন্তানৰ পিতৃ ৰাজীৱ কলিতাৰ পৰিয়ালটোৱে সেয়ে এতিয়া বিচাৰিছে চৰকাৰৰ সহায় ৷ লগতে কোনো সুহৃদয়ৱান লোকে সহায় কৰিব বিচাৰিলে টকা জমা দিব পাৰিব ৰাজীৱ কলিতাৰ পত্নীৰ একাউন্ট নম্বৰত ৷
লগতে পঢ়কঃঅখিল গগৈক মুক্তি দিবলৈ আহ্বান প্ৰফুল্ল কুমাৰ মহন্তৰ