কোকৰাঝাৰৰ ছালাকটিত টাটা মোবাইল গাড়ীসহ লক্ষাধিক টকাৰ কাঠৰ কুণ্ডা জব্দ

কোকৰাঝাৰ সদৰ আৰক্ষী ভাৰপ্ৰাপ্ত আৰ. বৰ্মনে সদৰি কৰা মতে বৃহস্পতিবাৰে নিশা প্ৰায় ৩.৩০ বজাত ছালাকটি তিনিআলিত এখন টাটামোবাইল গাড়ীত আৰক্ষীয়ে কাঠৰ কুণ্ডা লৈ যোৱা প্রত্যক্ষ কৰি গাড়ীখন ৰখাবলৈ নিৰ্দেশ দিয়ে।

কোকৰাঝাৰ , 14 জুনঃ কোকৰাঝাৰ জিলাৰ ছালাকটিত শুকুৰবাৰে আৰক্ষীয়ে টাটা মোবাইল গাড়ীসহ জব্দ কৰে লক্ষাধিক টকাৰ কাঠৰ কুণ্ডা ৷ কোকৰাঝাৰ সদৰ আৰক্ষী ভাৰপ্ৰাপ্ত আৰ. বৰ্মনে সদৰি কৰা মতে বৃহস্পতিবাৰে নিশা প্ৰায় ৩.৩০ বজাত ছালাকটি তিনিআলিত এখন টাটামোবাইল গাড়ীত আৰক্ষীয়ে কাঠৰ কুণ্ডা লৈ যোৱা প্রত্যক্ষ কৰি গাড়ীখন ৰখাবলৈ নিৰ্দেশ দিয়ে। কিন্তু গাড়ীখনৰ চালক আৰু আন এজন লোকে গাড়ীখন সেই স্থানতে ৰখাই তাৰ পৰা পলায়ন কৰে। পিছত আৰক্ষীয়ে কাঠ ভৰ্তি গাড়ীখন কোকৰাঝাৰ সদৰ আৰক্ষী চকী লৈ আনে৷