কোকৰাঝাৰ, 25 জুন : ৰাষ্ট্ৰীয় ফেশ্বন প্ৰতিযোগিতাত কোকৰাঝাৰৰ যুৱতীৰ সাফল্য ৷ দিল্লীৰ গুড়গাঁৱত অনুষ্ঠিত মিছেছ ইন্টাৰনেশ্যনেল হোম মেকাৰ্ছ আন্তঃৰাষ্ট্ৰীয় সৌন্দৰ্য প্ৰতিযোগিতাত "মিছ কুইন ইউনিভাৰ্ছ 2019" খিতাপ অৰ্জন কৰে ডেইজী বসুমতাৰীয়ে ৷ কোকৰাঝাৰ চহৰৰ ৱাৰ্ড নং 8ৰ হাদানপাৰাৰ নিবাসী সুভাষ বসুমতাৰী আৰু মীনু বসুমতাৰীৰ দ্বিতীয় কন্যা ডেইজী বসুমতাৰী । বৰ্তমান বাংগালুৰু বিশ্ববিদ্যালয়ত ইংৰাজী বিষয়ত স্নাতোকোত্তৰত অধ্যয়নৰত যুৱতীগৰাকী ৷
উল্লেখযোগ্য যে, ডেইজী বসুমতাৰীয়ে ইয়াৰ উপৰিও "শ্ৰীয়া মিছ ইণ্ডিয়া 2018", "মিছ বডী প্ৰফেক্ট 2018", "মিছ এভন বিউটি 2016, বড়োলেণ্ড ফেশ্বন হানটা 2016 ৰ সৌন্দৰ্য প্ৰতিযোগিতাৰ বিজয়ীৰ খিতাপ আজুঁৰিবলৈ সক্ষম হৈছিল ।
কোকৰাঝাৰৰ ডেইজীলৈ "মিছ কুইন ইউনিভাৰ্ছ 2019"
