কোকৰাঝাৰ, 4 এপ্ৰিল : বড়োলেণ্ড আন্দোলনত শ্বহীদ হোৱা ১৯৩ টা পৰিয়ালৰ আত্মীয়লৈ সোমবাৰে আগবঢ়োৱা হয় আৰ্থিক অনুদান ৷ শ্বহীদ পৰিয়াললৈ পাচঁ লাখ টকাৰ আৰ্থিক অনুদানৰ চেক প্ৰদান কৰা হয় সোমবাৰৰ দিনটোত ৷ কোকৰাঝাৰৰ নিকটৱৰ্তী চান্দামাৰীত অৱস্থিত বডোফা সাংস্কৃতিক প্ৰকল্পৰ প্ৰেক্ষাগৃহত কালি বিয়লি অনুষ্ঠিত হোৱা এক অনুষ্ঠানৰ জৰিয়তে শ্বহীদ পৰিয়ালবৰ্গলৈ আৰ্থিক অনুদানৰ এই চেক প্ৰদান কৰা হয় (Financial aid to bodoland movement martyrs) ৷
বিটিআৰ প্ৰধান প্ৰমোদ বড়ো আৰু কেবিনেট মন্ত্ৰী উৰ্খাও গৌৰা ব্ৰহ্ম সহ বিটিআৰৰ কেইবাগৰাকী কাৰ্যবাহী সদস্যই ১৯৩ গৰাকী শ্বহীদৰ পৰিয়ালৰ মাজত চেকসমূহ বিতৰণ কৰে ৷ উল্লেখ্য যে, অসম চৰকাৰৰ অনুমোদনত আৰু বিটিআৰ চৰকাৰৰ সহযোগত বড়োলেণ্ড আন্দোলনত প্ৰাণাহুতি দিয়া ৩,১৬৮ গৰাকী শ্বহীদৰ পৰিয়ালক পাঁচ লাখ টকাৰ আৰ্থিক অনুদান আগবঢ়োৱাৰ সিদ্ধান্ত গ্ৰহণ কৰিছিল চৰকাৰে ৷ সেই অনুসৰি সোমবাৰে প্ৰথম পৰ্যায়ত ১৯৩ গৰাকী শ্বহীদ পৰিয়াললৈ আগবঢ়োৱা হয় আৰ্থিক অনুদান (BTR administration distributes cheque among martyrs families) ৷
চেক বিতৰণৰ অন্তত বিটিআৰ প্ৰধান প্ৰমোদ বড়োই সংবাদ মাধ্যমৰ আগত কয় যে শ্বহীদসকলৰ ত্যাগৰ বিনিময়ত প্ৰথমে বিএচি, বিটিচি আৰু বিটিআৰ পাবলৈ সক্ষম হৈছো । শ্বহীদসকলক ন্যায় দিয়াটো এটা দায়িত্ব বুলি উল্লেখ কৰি সোমবাৰে প্ৰথম পৰ্যায়ত ১৯৩ গৰাকী শ্বহীদৰ পৰিয়ালক আৰ্থিক অনুদানৰ চেক বিতৰণ কৰা হৈছে যদিও চলিত বৰ্ষতে পুনৰ ৫০০ ৰ পৰা ৭০০ গৰাকী শ্বহীদ পৰিয়াললৈ পাঁচ লাখ টকাৰ আৰ্থিক অনুদানৰ চেক বিতৰণ কৰা হ’ব বুলি কয় প্ৰমোদ বড়োই (BTR chief Pramod Boro) ৷
উল্লেখ্য যে, আৰ্থিক অনুদান প্ৰদান অনুষ্ঠানত বিটিআৰ বিধান পৰিষদৰ অধ্যক্ষ কাতিৰাম বড়ো, বিটিআৰৰ কাৰ্যবাহী সদস্য গৌতম দাস , দাওবৈচা বড়ো, ৰঞ্জিত বসুমতাৰী, উইলছ হাছদা, অৰূপ কুমাৰ দে, ঘনশ্যাম দাস সহ কেইবাগৰাকী কাৰ্যবাহী সদস্য,পাৰিষদ আৰু বিটিআৰৰ প্ৰধান সচিব অনুৰাগ গোৱেল উপস্থিত থাকে ৷
লগতে পঢ়ক : Villagers deprived from govt schemes : চৰকাৰী আঁচনিয়ে ঢুকি নোপোৱা ধেমাজিৰ এখন গাঁও
