কৰিমগঞ্জ, 22 মে' : কৰিমগঞ্জত সঘনাই সংঘটিত হোৱা চুৰিকাণ্ডত অতিষ্ঠ হৈ পৰিছে অঞ্চলটোৰ ৰাইজ । কৰিমগঞ্জ চহৰৰ কানিশাইলত অৱস্থিত অসম গ্ৰামীণ বিকাশ বেংকত মঙলবাৰে নিশা চুৰে চলালে লুটপাত ৷ বেংকৰ সকলো দ্বাৰৰ তলা ভাঙি বেংকৰ ভিতৰত প্ৰৱেশ কৰি চোৰে তচনচ কৰে বেংকত থকা আলমাৰিসমূহ । যদিও চোৰে বেংকৰ পৰা নিব নোৱাৰিলে ধন ৷ ইপিনে দিনৰ প্ৰায় 11টা বজাত আৰক্ষী উপস্থিত হৈ আৰম্ভ কৰে চুৰিকাণ্ডৰ তদন্ত ।
কৰিমগঞ্জত চোৰৰ সন্ত্ৰাস
উল্লেখ্য যে, কৰিমগঞ্জ চহৰত সঘনাই চলি আহিছে চুৰিকাণ্ডৰ ঘটনা ৷ বিগত কেইটামান দিনত চহৰৰ বহু আবাসিক ঘৰ, ম'বাইলৰ দোকান, মন্দিৰৰ পৰা আৰম্ভ কৰি বিভিন্ন স্থানত চোৰে সন্ত্ৰাস চলোৱাৰ লগতে চুৰি কৰি লৈ গৈছে বহু কেইখন বাইক ৷ যদিও এই চুৰিকাৰ্যৰ তদন্তৰ ক্ষেত্ৰত আৰক্ষীয়ে নিৰ্লিপ্ত ভূমিকা গ্ৰহণ কৰাত ক্ষুব্ধ হৈ পৰিছে অঞ্চলটোৰ ৰাইজ ৷
