কৰিমগঞ্জত পথ দুৰ্ঘটনা আহত পাঁচজন

মঙলবাৰে ৰাতিপুৱা কৰিমগঞ্জৰ নন্দপুৰৰ পৰা গৈ থকা এখন বলেৰ' বাহন দুৰ্ঘটনাত পতিত হয় ৷ দ্ৰুত গতিত গৈ থকা অৱস্থাত বাহনখন ডিভাইদাৰত খুন্দা মৰাত পঞ্চাশ মিটাৰ দূৰত চিটিকি পৰে ৷ যাৰ ফলত বাহনখনত থকা পাঁচ গৰাকী যাত্ৰী গুৰুতৰভাৱে আহত হয় ৷

কৰিমগঞ্জ,1 জুন: কৰিমগঞ্জ-ত্ৰিপুৰা সংযোগী ৰাষ্ট্ৰীয় ঘাইপথত পথ দুৰ্ঘটনা ৷ মঙলবাৰে ৰাতিপুৱা কৰিমগঞ্জৰ নন্দপুৰৰ পৰা গৈ থকা এখন বলেৰ' বাহনে দ্ৰুত গতিত থকা অৱস্থাত ঘাইপথৰ ডিভাইদাৰত খুন্দা মৰাত পঞ্চাশ মিটাৰ দূৰলৈ বাহনখন চিটিকি পৰে ৷ যাৰ ফলত বাহনখনত থকা পাঁচ গৰাকী যাত্ৰী গুৰুতৰভাৱে আহত হয় ৷

কৰিমগঞ্জত পথ দুৰ্ঘটনা আহত পাঁচজন

দুৰ্ঘটনাটো সংঘটিত হোৱাৰ পাচত স্থানীয় লোকে আহত লোকসকলক উদ্ধাৰ কৰি কৰিমগঞ্জ জিলা হাস্পতাললৈ প্ৰেৰণ কৰে ৷ আহতসকলৰ ভিতৰত দুজনৰ অৱস্থা সংকতজনক হোৱাত উন্নত চিকিৎসাৰ বাবে শিলচৰ মেডিকেল কলেজ হাস্পতাললৈ প্ৰেৰণ কৰা হৈছে ৷ ক্ষন্তেক পাচত ঘটনাস্থলীত বদৰপুৰ আৰক্ষী উপস্থিত হৈ বাহনখন থানালৈ লৈ যায় ।

লগতে পঢ়ক: কঠোৰ হাতেৰে অপৰাধ নিৰ্মূলৰ সংকল্প আনন্দ মিশ্ৰৰ