কৰিমগঞ্জ,19জানুৱাৰী: কৰিমগঞ্জৰ বদৰপুৰত মহিলাক অপহৰণ কৰিবলৈ আহি আৰক্ষীৰ হাতত আটক হ'ল ত্ৰিপুৰাৰ চাৰিজনীয়া অপহৰণকাৰী দল ৷ জানিব পৰা মতে,সোমবাৰে বদৰপুৰৰ চৈতন্যগাঁৱত সন্দেহজনকভাৱে এখন অল্টো বাহন ঘূৰি ফুৰিছিল ৷ ইয়াকে লৈ ৰাইজৰ মনত সন্দেহ হোৱাত স্থানীয় লোকে বাহনখন ৰখাবলৈ চেষ্টা কৰে যদিও অস্ত্ৰ দেখুৱাই পলায়ন কৰে অপহৰণকাৰী দলটোৱে ৷
ইয়াৰ পিচত তৎপৰতাৰে স্থানীয় লোকে ঘটনা সন্দৰ্ভত বদৰপৰ আৰু ভাংগা আৰক্ষীক অৱগত কৰাত আৰক্ষীয়ে চাৰিওটা অস্ত্ৰধাৰী অপহৰণকাৰীক বাহনসহ আটক কৰিবলৈ সক্ষম হয় ৷ আৰক্ষীৰ দলে অস্ত্ৰধাৰী চাৰিওটা অপহৰণকাৰীৰ পৰা অস্ত্ৰ-শস্ত্ৰ,বোৰ্খা আৰু মোবাইল ফোন জব্দ কৰে ৷
আনহাতে আৰক্ষীৰ জেৰাত অপহৰণকাৰী দলটোৱে ত্ৰিপুৰাৰ এগৰাকী মহিলাক অপহৰণ কৰিবলৈ অহাৰ কথা স্বীকাৰ কৰে ৷ বৰ্তমান চাৰিওটা অপহৰণকাৰীক জে'ললৈ প্ৰেৰণ কৰা হৈছে ৷
লগতে পঢ়কঃ অৰুণাচল প্ৰদেশৰ উজনি সোৱণশিৰীত চীনৰ হাইড্ৰ’ পাৱাৰ প্ৰকল্প স্থাপন
