কৰিমগঞ্জ, 5 ডিচেম্বৰ : কৰিমগঞ্জৰ পাথাৰকান্দিত সংঘটিত হৈছে এটা শোকাৱহ পথ দুৰ্ঘটনা ৷ পথ দুৰ্ঘটনাত থিতাতে নিহত হৈছে এগৰাকী মহিলা আৰক্ষী কনিষ্টবল আৰু তেওৰ স্বামী ৷ কৰ্তব্য সামৰি মটৰ চাইকেলেৰে মানিকবন্দস্থিত ঘৰলৈ উভতাৰ পথতে কৰিমগঞ্জ অভিমুখে আহি থকা ডাম্পাৰৰ খুন্দাত নিহত হয় স্বামী-স্ত্ৰী ৷
নিহত মহিলা কনিষ্টবলগৰাকীৰ নাম টিনামণি চৰৈ আৰু স্বামী লিংগীশেখ চৰৈ বুলি জানিব পৰা গৈছে ৷ পাথাৰকান্দি থানাত কৰ্মৰত আছিল মহিলা কনিষ্টবলগৰাকী ৷ আনহাতে ঘটনা সংঘটিত কৰিয়েই ঘটনাস্থলীৰ পৰা পলায়ন কৰে ডাম্পাৰখনে ৷ এই ঘটনাৰ পাছতেই সমগ্ৰ পাথাৰকান্দিতেই চেপা উত্তেজনাই বিৰাজ কৰিছে ৷
লগতে পঢ়ক: বিটিচিত এইবাৰ গণ সুৰক্ষা পাৰ্টীৰ চৰকাৰ হ’ব : নৱ শৰণীয়া
