গুৱাহাটী, 9 নৱেম্বৰঃ অহা 10 নৱেম্বৰত অনুষ্ঠিত হ'বলগীয়া এইবাৰৰ টেট পৰীক্ষা পূৰ্ব্বতকৈ অধিক কঠোৰ হ'ব ৷ সম্পূৰ্ণ কটকটীয়া নিৰাপত্তাৰ মাজত অনুষ্ঠিত কৰা হ'ব টেট পৰীক্ষা ৷ এই মন্তব্য চেবাৰ অধ্যক্ষ আৰ চি জৈনৰ ৷ পৰীক্ষা গৃহত কোনোধৰণৰ ইলেকট্ৰ'নিক সামগ্ৰী তথা জ্যামিতি বক্সো ব্যৱহাৰ কৰিব নোৱাৰিব পৰীক্ষাৰ্থীয়ে ৷ ইয়াৰোপৰি নিৰীক্ষকে প্ৰশ্নৰ টোপোলা পৰীক্ষাৰ কেইমুহূর্তমান পূৰ্বেহে পৰীক্ষাগৃহত খুলিব লগতে কেৱল পৰীক্ষৰ্থীয়ে নহয় নিৰীক্ষকেও ব্যৱহাৰ কৰিব নোৱাৰিব ম'বাইল এই মন্তব্য চেবাৰ অধ্যক্ষ গৰাকীৰ ।
উল্লেখ্য যে, 2010 চনৰ পিছত অনুষ্ঠিত হ'বলগীয়া এইবাৰৰ টেট পৰীক্ষাত কেৱল বি.এড আৰু ডি.এল.এড ডিগ্ৰীধাৰী সকলেহে অৱতীৰ্ণ হ'ব পাৰিব ৷ সৰ্বমুঠ 587 টা কেন্দ্ৰত অনুষ্ঠিত হ'ব এইবাৰৰ টেট পৰীক্ষা । নিম্ন প্ৰাইমাৰীত অৱতীৰ্ণ হ'ব 23,0482 সংখ্যক পৰীক্ষাৰ্থী । আনহাতে উচ্চ প্ৰাইমাৰী অৱতীৰ্ণ হ'ব 16,6079 গৰাকী পৰীক্ষাৰ্থী । অৱতীৰ্ণ হ'বলগীয়া সমূহ পৰীক্ষাৰ্থীক শুভকামনা জ্ঞাপন কৰে চেবাৰ অধ্যক্ষ আৰ চি জৈনে ৷
আৰু পঢ়কঃ ওড়িশাৰ উপকূলৱৰ্তী জিলাসমূহত 'বুলবুল'ৰ বিস্তৰ প্ৰভাৱ
