ডিফু, ১ জুন: প্ৰায় দুমাহ অন্তত সোমবাৰে পাহাৰীয়া জিলাৰ সদৰ চহৰ ডিফু ৰে'ল ষ্টেচনত পুৱাৰ ভাগত উপস্থিত হয় উজনিমুৱা গুৱাহাটী-যোৰহাট অভিমুখী জন শতাব্দী এক্সপ্ৰেছ ৷ কৰ'ণা ভাইৰাছৰ বাবে চৰকাৰে আহ্বান জনোৱা "পঞ্চম লক ডাউন" আৰু "আনলক ওৱান"ৰ প্ৰথমটো দিনৰ পৰাই জনশতাব্দী এক্সপ্ৰেছৰ চলাচল আৰম্ভ হোৱা বুলি জানিব পৰা গৈছে ৷
লগতে পঢ়কঃ জাপি প্ৰস্তুতকৰণত ব্যস্ত আমগুৰীবাসী
উল্লেখ্য যে,ডিফু ৰেল ষ্টেচনত ৰেলখন আহি পোৱাৰ লগে লগে যাত্ৰীসকলক স্কেনিঙৰ বাবে ডিফু মেডিকেল কলেজ হাস্পতাললৈ প্ৰেৰণ কৰা হয় ৷ স্কেনিঙৰ অন্তত প্ৰতিগৰাকী যাত্ৰীৰ শাৰিৰীক উষ্ণতা স্বাভাৱিক পোৱা গৈছে বুলি অৱগত কৰে কৰ্তব্যৰত চিকিৎসা কৰ্মীসকলে ৷
লগতে পঢ়কঃ মহাৰাষ্ট্ৰত চিকিৎসা প্ৰদান কেৰালাৰ চিকিৎসকৰ দলৰ
আনহাতে জনশতাব্দী এক্সপ্ৰেছত যাত্ৰীৰ উপস্থিতি তেনেই নগণ্য পৰিলক্ষিত হয় ৷ মুঠ ২৯ গৰাকী যাত্ৰীৰে যাত্ৰা কৰে উজনিমুৱা জনশতাব্দী ৰেলখন ৷
