ভোটাৰক সজাগতাৰ উদ্দেশ্যে মুকলি "ব'জাৰু কাই"

বোকাজান মহকুমাৰ মহকুমাধিপতি বিবেক শ্যামৰ বিশেষ পদক্ষেপ ৷ বোকাজানত ভোটাৰক সজাগতাৰ বাবে মুকলি কৰিলে নিৰ্বাচনী প্ৰতীক 'ব'জাৰু কাই'।

ডিফু,১৩ মাৰ্চঃ নিৰ্বাচনত ভোটাৰক সজাগতা কৰাৰ বাবে বোকাজানৰ মহকুমাধিপতিৰ কাৰ্যালয়ত শনিবাৰে উন্মোচন কৰা হয় 'ব'জাৰু কাই'। কাৰ্বি আংলঙৰ এবিধ বিশেষ মহত্বপূৰ্ণ চৰাই হ’ল ব'জাৰু চৰাই । চৰাইবিধক আধাৰ হিচাপে লৈ ব'জাৰু কাই নামেৰে নিৰ্বাচনী প্ৰতীক উন্মোচন কৰে বোকাজান মহকুমাৰ মহকুমাধিপতি বিবেক শ্যামে ।

উল্লেখযোগ্য যে, আগন্তুক নিৰ্বাচনত "ভোটাধিকাৰ গণতান্ত্ৰিক অধিকাৰ, সজাগ হৈ ভোট দিয়ক, সবল গণতন্ত্ৰ গঢ়ি তোলক, ভোটাধিকাৰ আমাৰ অধিকাৰ" শীৰ্ষক বাক্যশাৰীৰে কাৰ্বি আংলঙত প্ৰচাৰ চলাব ব'জাৰু কাইয়ে ।

লগতে পঢ়কঃ কলিয়াবৰত প্ৰশান্ত কুমাৰ শইকীয়াৰ নিৰ্বাচনী প্ৰচাৰ