ডিফু, ১৪ নৱেম্বৰ: ভাৰতীয় সেনাৰ সদ্ভাৱনা আৰু মানৱীয় প্ৰমূল্য বোধৰ অংশস্বৰূপে ভাৰতীয় সেনাৰ ৰেড হৰ্ণ ডিভিজনৰ উদ্যোগত কাৰ্বি আংলঙৰ বিভিন্ন স্থানত ছাত্ৰ-ছাত্ৰী আৰু সামাজিক অনুষ্ঠানলৈ সাহায্য বিতৰণ কৰা হয় ৷ ডিফুৰ সমীপৱৰ্তী বৰলাংফেৰ হাইস্কুলত সেনাৰ তৰফৰ পৰা ১৫ খন চাইকেল বিতৰণ কৰা হয় ৷
ইয়াৰে প্ৰায় ৫ গৰাকী ছাত্ৰ আৰু 10 গৰাকী ছাত্ৰীৰ মাজত চাইকেলসমূহ বিতৰণ কৰা হয় ৷ ইয়াৰোপৰি সেনা বাহিনীৰ উদ্যোগত বৃহস্পতিবাৰে জিলাখনৰ মাঞ্জাস্থিত চেৰপ' ইংতি প্ৰাথমিক বিদ্যালয়ত শিশু দিৱস পালন কৰাৰ লগতে ছাত্ৰ- ছাত্ৰীৰ মাজত সেনাই বিভিন্ন উপহাৰ সামগ্ৰীও বিতৰণ কৰে ৷
ছাত্ৰ-ছাত্ৰী সকলৰ লগতে ভালে সংখ্যক লোক আৰু গাওঁবুঢ়াৰ উপস্থিতিত অনুষ্ঠিত এই অনুষ্ঠানত ছাত্ৰ-ছাত্ৰী সকলে বিভিন্ন সাংস্কৃতিক কাৰ্যসূচীও পৰিৱেশন কৰে ৷ শিশু সকলৰ মাজত শিশু দিৱসৰ তাৎপৰ্যৰ বাখ্যা আগবঢ়োৱা হয় ৷
আনহাতে সেনাৰ সদ্ভাৱনা অভিযানৰ অধীনত চাইজাঙৰ এটা কমিউনিটি ভৱনলৈ ১০ খন মেজ আৰু ৫০ খন চকী বিনামূলীয়াকৈ বিতৰণ কৰা হয়
লগতে পঢ়কঃএইবাৰ পাকঘৰত সোমাল বনৰজা
