ডিফু, ১০ মাৰ্চ : থানাত গোচৰ দিবলৈ আহি খোদ আৰক্ষী বিষয়াৰ দ্বাৰা অপদস্থ হ’ল কৰ্মৰত এগৰাকী নিৰ্বাচনী বিষয়া তথা কাৰ্যবাহী দণ্ডাধীশ । সোমবাৰে মহানগৰীৰ সাতগাঁও থানাত সংঘটিত হোৱা এই ঘটনাক কেন্দ্ৰ কৰি ৰাজ্যজুৰি সৃষ্টি হয় তীব্ৰ প্ৰতিক্ৰিয়াৰ ।
অভিযোগ অনুসৰি, নুনমাটি গোপাল নগৰ নিবাসী দক্ষিণ শালমৰাৰ কাৰ্যবাহী দণ্ডাধীশ হোৱাৰ উপৰিও এগৰাকী নিৰ্বাচনী বিষয়া হিচাপে কৰ্মৰত বিভাষ মেধিয়ে সোমবাৰে দিনৰ প্ৰায় ৩ বজাত থানাখনত উপস্থিত হয় ৷ কিয়নো কিছুদিনৰ পৰা সাতগাঁও থানাৰ অন্তৰ্গত দলবাৰীৰ কোনো অচিনাক্ত লোকে ফোনযোগে দণ্ডাধীশগৰাকীক ভাবুকি প্ৰদান কৰি আহিছিল ৷ যাৰ সন্দৰ্ভত সাতগাঁও থানাত এক গোচৰ দিয়াৰ উদ্দেশ্যে সোমবাৰে থানাত উপস্থিত হৈছিল দণ্ডাধীশগৰাকী ।
কিন্তু থানা চৌহদত আকস্মিকভাৱে ভাৰপ্ৰাপ্ত বিষয়াগৰাকীৰ সৈতে দণ্ডাধীশগৰাকীৰ মাজত কোনো কথাক লৈ মতানৈক্যৰ সৃষ্টি হয় ৷ ইয়াৰ পিছতে আৰক্ষী বিষয়াগৰাকীয়ে দণ্ডাধীশ বিভাষ মেধিক অশালীন ব্যৱহাৰ কৰাৰ লগতে শাৰীৰিকভাৱেও অপদস্থ কৰে ৷ এই বুলি অভিযোগ উত্থাপন কৰে ভুক্তভোগী দণ্ডাধীশগৰাকীয়ে (Allegation against OC of satgaon police station)।
এই ঘটনাৰ অভিযোগ তুলি এতিয়া ৰাজ্যজুৰি এ চি এছ বিষয়া সকলে সাব্যস্ত কৰিছে প্ৰতিবাদ(ACS officers protest against Satgaon OC ) ৷ সমান্তৰালকৈ বৃহস্পতিবাৰে কাৰ্বি আংলং জিলাত উক্ত বিষয়কলৈ কাৰ্যবাহী দণ্ডাধীশসকলে উপায়ুক্ত কাৰ্যালয়ৰ সন্মূখত(Karbi Anglong DC office) হাতে হাতে প্লে কাৰ্ডলৈ মৌন প্ৰতিবাদ সাব্যস্ত কৰা পৰিলক্ষিত হয় ৷ এচিএছ বিষয়াসকলে বিতৰ্কিত অ'চি ' ডিছমিছ প্ৰাণজিৎ লহকৰ, আই ষ্টেণ্ড উউথ বিভাষ মেধি এচিএছ' সম্বলিত প্লেকাৰ্ড প্ৰদৰ্শন কৰে ৷
এই সন্দৰ্ভত সদৰ মহকুমাধিপতি মনিকা বৰাই সংবাদমাধ্যমৰ আগত ব্যক্ত কৰি কয় যে, 'এখন থানাত আৰক্ষীৰ দ্বাৰা অপহৃত কাৰ্য গৰিহণাৰ যোগ্য ৷ থানাত এনে কাৰ্য হ'ব নালাগে ৷ থানাত কেৱল এচিএছ বিষয়াই নহয় সাধাৰণ ৰাইজেও নিৰাপত্তা পাব লাগে ৷'
লগতে পঢ়ত : কাৰ্বি আংলংবাসীৰ আবেগৰ লগত নেখেলিবলৈ মুখ্যমন্ত্ৰীক আহ্বান কাৰ্বি ছাত্ৰ সন্থাৰ
