ৰঙিয়া, 20 নৱেম্বৰঃ নিৰ্মাণৰ আঠ বছৰৰ পাচতো জনস্বাস্থ্য কাৰিকৰী বিভাগৰ পানী যোগান আঁচনিৰ নলৰ পৰা নোলাল বিশুদ্ধ খোৱা পানী ৷ চৰকাৰে লাখ লাখ টকা আঁচনিসমূহৰ নামত ব্যয় কৰাৰ পাচতো বৰ্তমান পৰ্যন্ত বেছিভাগ ঠাইত কাৰ্যক্ষম হৈ নুঠিল আঁচনিসমূহ ৷ ৰঙিয়াৰ বৰকুকুৰীৰ জনস্বাস্থ্য কাৰিকৰী বিভাগৰ বিশুদ্ধ খোৱাপানী যোগান আঁচনিখনো বৰ্তমান পৰ্যন্ত কাৰ্যক্ষম হৈ নুঠাৰ অভিযোগ অঞ্চলবাসীৰ। আঁচনিখনৰ নিৰ্মাণ সম্পূৰ্ণ কৰিবলৈ 8 বছৰ সময় প্ৰয়োজন হ'ল বিভাগটোৰ। কিন্তু, ইমান সময় অতিবাহিত হোৱাৰ পাচতো ৰাইজক এটুপি বিশুদ্ধ খোৱা পানী যোগান ধৰিব পৰা নাই জনস্বাস্থ্য কাৰিকৰী বিভাগে ।
প্ৰায় সম্পূৰ্ণ হৈ উঠিছে উত্তৰ-পূৱ ভাৰতৰ সৰ্বোচ্চ অট্টালিকা
উল্লেখ্য যে, দুই কিলোমিটাৰ অঞ্চল সামৰি লোৱা এই আঁচনিখন যদি কাৰ্যক্ষম হৈ উঠে তেতিয়াহলে প্ৰায় এহাজাৰ পৰিয়ালে বিশুদ্ধ খোৱা পানী লাভ কৰিবলৈ সক্ষম হ'ব। পিছে লাখ লাখ টকা ব্যয় কৰি নিৰ্মাণ কৰি উলিওৱা পানী যোগান আঁচনিখন কেতিয়ালৈ কাৰ্যক্ষম হৈ উঠিব সেয়া এতিয়াও সন্দেহৰ আৱৰ্তত ৷
