বাইহাটা,27 ছেপ্তেম্বৰ: কামৰূপ (গ্ৰাম্য) ৰ কমলপুৰত ৰাইজে কৰায়ত্ত কৰে এটা ছাগলী চোৰ ৷ দীৰ্ঘদিনে কমলপুৰৰ জালিমুৰাত একপ্ৰকাৰ সন্ত্ৰাস সৃষ্টি কৰি আহিছিল ছাগলী চোৰে ৷ চোৰে ন ন কৌশল অৱলম্বন কৰি অঞ্চলটোৰ পৰা চুৰি কৰি নিছিল ছাগলী ৷ ছাগলী চুৰ কৰিবলৈ বিলাসী বাহন পৰ্যন্ত ব্যৱহাৰ কৰিছিল চোৰে ৷ আমিনগাঁৱৰ পাপু ৰজক নামৰ এগৰাকী অটো ভেনৰ চালকে পথৰ দাঁতিত এৰাল দি থোৱা ছাগলী এটা চোৰ কৰিবলৈ লওঁতেই গৰাকীয়ে প্ৰত্যক্ষ কৰি চিঞৰ-বাখৰ কৰে ৷ এএছ 25 বিচি 5469 নম্বৰৰ বাহনখনৰ গৰাকী পাপুৱে ৰাইজৰ হুলস্থুল শুনি তীব্ৰবেগে ঘটনাস্থলীৰ পৰা পলায়ন কৰাৰ চেষ্টা চলায় ৷
ইফালে ছাগলীটোৰ গৰাকী বাসুদেৱ দাসে চোৰটোক অনুসৰণ কৰি গৈ বাহনখনত উঠি জালিমুৰা নামৰ ঠাইখন পাই হুলস্থুল কৰাত ৰাইজে আগভেটি ধৰে বাহনখন ৷ পৰৱৰ্তী সময়ত ৰাইজে সমগ্ৰ ঘটনাৰ বিষয়ে জানিব পাৰি চোৰটোক কৰায়ত্ত কৰি বিদ্যুতৰ এটা খুঁটাত বান্ধি থৈ কমলপুৰ আৰক্ষীক খবৰ দিয়ে ৷ ৰাইজৰ খবৰৰ ভিত্তিত ঘটনাস্থলীত আৰক্ষী উপস্থিত হৈ ধৃত পাপু ৰজকক আটক কৰি থানালৈ লৈ আনে ৷
লগতে চাওকঃ গোলাঘাটৰ ভিন্ন অঞ্চলত চেনিটাইজেচন
