বাইহাটা, 7 মে’: অৱশেষত, সঞ্জীৱ শৰ্মাক মৃত্যুদণ্ড বিহিলে আলফা স্বাধীনে ৷ এই বাতৰি ওলোৱাত এতিয়া এক শোকাকুল পৰিবেশৰ সৃষ্টি হৈছে সঞ্জীৱৰ ঘৰত (Mourn in Sanjiv's home after ULFAI killed him) । আলফাই এই সৰু ল’ৰাটোৰ ক্ষেত্ৰত এনে পদক্ষেপ ল’ব নালাগিছিল বুলি কান্দি কান্দি মন্তব্য প্ৰকাশ কৰিলে তেওঁৰ মাতৃয়ে (Family reacts on Sanjiv Sarma's death) । মাতৃয়ে মন্তব্য কৰিলে যে, ঘৰখনৰ ডাঙৰ ল'ৰা সঞ্জীৱক দেউতাকে বহু কষ্টৰে ডাঙৰ দীঘল কৰিছিল ৷
উল্লেখ্য যে, মৃত্যুদণ্ড বিহা হৈছে আলফা(স্বা)ৰ দুগৰাকী সদস্যক ৷ চোৰাংচোৱাগিৰি কৰাৰ অপৰাধত মৃত্যুদণ্ড বিহা হৈছে সঞ্জীৱ শৰ্মা ওৰফে ঋষভ অসম আৰু তেওঁৰ সহযোগী ধনজিৎ দাস ওৰফে ৰূপক অসমক (Sanjiv Sarma and Dhanjit Das sentenced to death by ULFA independent) ৷ মৃত্যুৰ পূৰ্বে দুয়োগৰাকীৰ স্বীকাৰোক্তিৰ এক ভিডিঅ’ প্ৰকাশ কৰিছে আলফা(স্বা) য়ে ৷ এই সিদ্ধান্তৰ বিষয়ে সদৰি কৰি সংগঠনটোৰ ফালৰ পৰা প্ৰকাশ কৰা হৈছে এক বিবৃতি ৷
