ৰঙিয়া, 4 ডিচেম্বৰ : ৰঙিয়াৰ হাচানটোকৰ ৰাইজে কটাব লগা হৈছে বিনিদ্ৰ ৰজনী ৷ অঞ্চলটোৰ মাজেৰে বৈ যোৱা বৰলীয়া নৈৰ ঢলৰ ফলত ইতিমধ্যে অঞ্চলটোৰ বহু হাজাৰ বিঘা কৃষি ভূমি জাহ গৈছে । বহুলোকে নিজৰ আপোন বাসগৃহও নৈৰ ঢলত হেৰুৱাব লগা হৈছে ৷
ৰাইজৰ দুখ-দুৰ্দশাৰ পাচতো জলসম্পদ বিভাগ অথবা চৰকাৰে কাণসাৰ নিদিয়াৰ লগতে কোনো ধৰণৰ সহায় প্ৰদান নকৰাৰ অভিযোগ উত্থাপন হৈছে ৷ বাৰম্বাৰ বিভাগীয় কৰ্তৃপক্ষক গৰাখহনীয়া প্ৰতিৰোধৰ ব্যৱস্থা কৰিবলৈ ৰাইজে দাবী জনাই আহিছে যদিও বৰ্তমানলৈকে কোনো ব্যৱস্থা লোৱা নাই ৷ তাৰোপৰি, বানপানীত ক্ষতিগ্ৰস্ত হোৱা লোকৰ বাবে চৰকাৰে ঘোষণা কৰা ক্ষতিপূৰণো বৰলীয়া নৈপৰীয়া লোকসকলে লাভ কৰা নাই বুলি জানিব পৰা গৈছে ৷ ভেটি-মাটি হেৰুৱাই সৰ্বস্বান্ত হোৱা দূৰ্ভগীয়া পৰিয়ালকেইটাৰ খবৰ ল'বলৈ আহৰি নাই জনপ্ৰতিনিধিৰ ।
আৰু পঢ়ক : জৱাহৰলাল নেহৰু বিশ্ববিদ্যালয়ৰ ছাত্ৰ-ছাত্ৰীৰ জোঁৰ সমদল
