বকো, 15 ফেব্ৰুৱাৰী : বকোৰ নোৱাপাৰাত এজন শিক্ষকৰ চাঞ্চল্যকৰ আত্মহননৰ ঘটনা পোহৰলৈ আহিছে । নিজ গৃহৰ চৌহদৰ গছত চিপ লৈ আত্মহত্যা কৰিছে হীৰেন কলিতা নামৰ 52 বৰ্ষীয় শিক্ষকজনে ৷ টিউটৰিয়েল শিক্ষক হিচাপে নিযুক্তি পোৱা পিছতে শিক্ষকজনে লয় আত্মহননৰ দৰে চৰম সিদ্ধান্ত ।
যোৱা ৫ ফেব্ৰুৱাৰীত নিযুক্তি পোৱা পিছৰে পৰা শিক্ষকজনে ভূগি আছিল মানসিক হতাশাত । বিগত ১৫ বছৰে বিনা বেতনে কন্দলপাৰাৰ সৰ্বপল্লী ৰাধাকৃষ্ণণ এম ই স্কুলত বিজ্ঞানৰ শিক্ষক হিচাপে শিক্ষকতা কৰিছিল হীৰেন কলিতাই ৷ 5 ফেব্ৰুৱাৰীত এখন প্ৰাথমিক বিদ্যালয়ত টিউটৰিয়েল শিক্ষক হিচাপে নিযুক্তি দিয়া হৈছিল তেখেতক ৷ তাৰ পিছতে চৰম হতাশাত ভূগি শিক্ষকজনে এই চৰম সিদ্ধান্ত লোৱাৰ সন্দেহ প্ৰকাশ কৰা হৈছে ।
লগতে পঢ়ক: পত্নীৰ বাবে টিকটৰ প্ৰয়োজন বিজেপি সাংসদৰ !
