বাইহাটা, 9 ছেপ্তেম্বৰ : বাইহাটাত ৰাজপথত এদল মানুহৰ অমানবীয় কাণ্ড । ফুৰিবলৈ যোৱা এহাল যুৱক-যুৱতীক অত্যাচাৰ ৷ এই ঘটনাটো সংঘটিত হৈছে বাইহাটা চাৰিআলিৰ অন্তৰ্গত মান্দাকাটা চাহবাগিচাত । মান্দাকাটা চাহ বাগিচাত ফুৰিবলৈ গৈছিল এহাল ল'ৰা-ছোৱালী ৷ কিন্তু হঠাৎ মানুহ কেইজন মানে আহি যুৱক-যুৱতীহালে অনৈতিক কাৰ্য কৰাৰ অভিযোগত আৰম্ভ কৰে গণপ্ৰহাৰ ৷ যুৱক-যুৱতীহালক উক্ত দলটোৱে নিমৰ্মভাৱে শাৰীৰিক মানসিক অত্যাচাৰ চলায় ৷ আনকি যুৱতী গৰাকীৰ পোছাক পৰ্যন্ত ফালিবলৈ উদ্যত হয় ৷
বাইহাটাত এহাল যুৱক-যুৱতীক আক্ৰমণ এদল মানুহৰ
ইপিনে যুৱতীগৰাকীৰ মাতৃৰ ভাষ্য অনুসৰি যুৱতীগৰাকীয়ে মাকৰ অনুমতি সাপেক্ষেহে উক্ত স্থানলৈ ফুৰিবলৈ গৈছিল ৷ ইমানেই নহয় যুৱতীগৰাকীৰ মাতৃয়ে জনোৱা মতে স্থানীয় এজন ব্যক্তিয়ে যুৱতী গৰাকীৰ উক্ত ঘটনাৰ ভিডিঅ'টো ভাইৰেল কৰা ভাবুকি দি বৰ্তমান আৰম্ভ কৰিছে ব্লেকমেইলিং ৷
