কামৰূপ, ১০ মেঃ পলাশবাৰীৰ ৰাজহ চক্ৰ বিষয়া সুস্বপ্না কাকতিয়ে অবৈধভাৱে অৱস্থান কৰা চিলিণ্ডাৰ ভৰ্তি ট্ৰাকৰ বিৰুদ্ধে অভিযান । ভৱিষ্যতে ৰাষ্ট্ৰীয় ঘাইপথত অবৈধ অৱস্থান কৰিলে আইনী ব্যৱস্থা লোৱাৰ সকিয়নী কাকতিৰ ।
মিৰ্জাৰ ৩৭নং ৰাষ্ট্ৰীয় ঘাই পথll বহু দিনৰ পৰা দুয়োকাষে বিপদজনক ভাবে চিলিণ্ডাৰ ভৰ্তি ট্ৰাকসমুহে অৱস্থান কৰি আহিছে । যাৰ ফলত বিভিন্ন সময়ত পথ দুৰ্ঘটনাত বিভিন্ন জনৰ প্ৰাণ হানি হোৱাৰ উপৰিও স্থানীয় ৰাইজৰ বহুতো অসুবিধা সৃষ্টি হয় । এই অসুবিধাৰ প্ৰতি লক্ষ্য ৰাখি পূৰ্বতে OIC কৰ্তৃপক্ষক বাহন সমূহ ৰাষ্ট্ৰীয় ঘাইপথৰ দুয়ো পাৰে অৱস্থান নকৰিবলৈ কৈ আহিছিল যদিও কোনো গুৰুত্ব নিদিয়াত আজি আৰক্ষী দলৰ সহযোগত বাহন সমূহ ঘাইপথৰ পৰা আঁতৰাই পঠাই, আৰু ভৱিষ্যতে ৰাষ্ট্ৰীয় ঘাই পথত এনেদৰে অবৈধ অৱস্থান কৰিলে আইনী ব্যৱস্থা লোৱা হব বুলি সকিয়াই দি দুদিনৰ ভিতৰত কৰ্তৃপক্ষই যেন স্থায়ী পাৰ্কিংৰ ব্যৱস্থা কৰে তাৰ বাবে নিৰ্দেশ দিলে চক্ৰ বিষয়া গৰাকীয়ে ।
অধিক পঢ়িবলৈ-"নামাজ" পঢ়াক লৈ উত্তপ্ত পৰিস্থিতি হাইলাকান্দিত
