তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

কেন্দ্ৰীয় পৰিসংখ্যা আৰু প্ৰকল্প ৰূপায়ণ মন্ত্ৰালয়ৰ ‘সৰ্বভাৰতীয় ঋণ আৰু বিনিয়োগ জৰীপ’(All India Debt and Investment Survey) শীর্ষক প্ৰতিবেদন অনুসৰি, ৰাজ্যত বৃদ্ধি পাইছে ঋণৰ বোজা । ক’ভিড(Covid)ৰ সময়চোৱাত জনসাধাৰণ অধিক ঋণগ্ৰস্ত হোৱাৰ আশংকা কৰা হৈছে । অসমৰ ৰাইজে লোৱা মুঠ ঋণৰ 12 শতাংশই হৈছে অপ্ৰতিষ্ঠানিক ঋণ ।

নিমাতীঘাট নাও ট্ৰেজেডীৰ অভিযুক্তৰ জামিন লাভ ৷ যোৰহাট সত্ৰ ন্যায়াধীশ আদালতে নিমাতীঘাট ফেৰী দুৰ্ঘটনাত অভিযুক্তসকলৰ জামিন মঞ্জুৰ কৰিছে ৷

আইন-শৃংখলা পৰিস্থিতিৰ অৱনতি, বিটিআৰ(BTR)ৰ বৰ্তমান পৰিস্থিতি সন্দৰ্ভত চিৰাঙত উচ্চ পৰ্যায়ৰ বৈঠক । কোকৰাঝাৰ লোকনিৰ্মাণ বিভাগ(PWD Department)ৰ কাৰ্যালয়ত সংঘটিত হোৱা ঘটনাৰ বাবে ধমকি দিয়া হৈছে বাথাক ৷

এইবাৰ ভূ-মাফিয়া তথা মাটিৰ দালাল(Land Broker)ৰ বাসগৃহত তালাচী অভিযান বৰপেটা আৰক্ষী(Barpeta Police)ৰ ৷ বৰপেটা সদৰ থানাৰ আৰক্ষীয়ে চহৰখনৰ তিনিটাকৈ মাটিৰ দালালৰ বাসগৃহত চলাইছে তালাচী অভিযান ৷ চহৰখনৰ দালাল ৰমেন দাস, ধ্ৰুৱ দাস আৰু গোবিন্দ দাসৰ বাসগৃহত চলোৱা এই তালাচী অভিযানত মাটিৰ দলিলকে ধৰি কেতবোৰ গুৰুত্বপূৰ্ণ নথি-পত্ৰ উদ্ধাৰ হয় ৷

বিশ্ব গঁড় দিৱসৰ দিনটোতে বিটিআৰ চৰকাৰৰ ওচৰত আত্মসমৰ্পণ কৰে ৫৭ জন চোৰাং চিকাৰীয়ে ৷ চোৰাং চিকাৰী কেইজনক আৰ্থিক সমৰ্থন আগবঢ়াবলৈ বিশেষ ব্যৱস্থা গ্ৰহণ কৰিছে চৰকাৰে । আনকি নিযুক্তিৰ ক্ষেত্ৰতো অগ্ৰাধিকাৰ দিয়াৰ বাবে ব্যৱস্থা লৈছে বিটিআৰ চৰকাৰে ।

বিটিআৰ পৰিষদীয় চৰকাৰৰ শিক্ষা বিভাগত ব্যাপক সালসলনি । বুধবাৰে এক নিৰ্দেশনাযোগে কেইবাগৰাকীও শিক্ষা বিষয়াক বদলি কৰা হৈছে আন ঠাইলৈ । কোকৰাঝাৰ জিলা শিক্ষা বিষয়া তথা বিদ্যালয় পৰিদৰ্শক জয়পাল সিং ব্ৰহ্মক একে পদতে ওদালগুৰি জিলালৈ বদলি কৰা হৈছে ।

ভাৰতৰ প্ৰধানমন্ত্ৰী নৰেন্দ্ৰ মোডীয়ে বুধবাৰে ডিঙিত গামোচা লৈ বিশেষ বিমানযোগে নিউয়ৰ্কত উপস্থিত হয় ৷ নিউয়ৰ্কত ৰাষ্ট্ৰসংঘৰ সাধাৰণ সভাত ভাষণ প্ৰদান কৰিব মোডীয়ে ৷ প্ৰধানমন্ত্ৰীয়ে কোৱাড সন্মিলনত অংশগ্ৰহণ কৰাৰ লগতে হোৱাইট হাউচত আমেৰিকা যুক্তৰাষ্ট্ৰৰ ৰাষ্ট্ৰপতি জ’ বিডেনৰ সৈতে দ্বিপাক্ষিক বৈঠকত মিলিত হ'ব ।

এয়াৰ চীফ মাৰ্শ্বেল আৰ কে এছ ভদৌৰিয়াৰ পাছত ভাৰতীয় বায়ু সেনাৰ (IAF) পৰৱৰ্তী মুৰব্বী হিচাপে নিযুক্তি দিয়া হৈছে এয়াৰ মাৰ্শ্বেল ভি আৰ চৌধাৰীক । বুধবাৰে তেওঁ নতুন দিল্লীত প্ৰতিৰক্ষা মন্ত্ৰী ৰাজনাথ সিঙক সাক্ষাৎ কৰে ।

জি-৪ বৈদেশিক মন্ত্ৰীসকলৰ বিশেষ বৈঠক আৰু জি-২০ বৈঠকত ভাৰতে অংশগ্ৰহণ কৰিব । বৈদেশিক পৰিক্ৰমা মন্ত্ৰী এছ জয়শংকৰে ভাগ ল'ব এই বৈঠকত ।

কৰ্ণাটকৰ ৰাজধানী চহৰ বেংগালুৰুত সংঘটিত হৈছে এক ভয়ানক বিস্ফোৰণ ৷ য’ত বৰ্তমানলৈকে তিনিজন লোকে ইতিমধ্যে প্ৰাণ হেৰুৱাইছে ৷ দুজন লোক গুৰুতৰভাৱে আহত ৷