এক বজাৰ শীৰ্ষ দহটা বাতৰি...

এক বজাৰ শীৰ্ষ দহটা বাতৰি...

অদৃশ্য শক্তিৰ বিৰুদ্ধে হোৱা এই যুঁজখনত ড্ৰোণে বিভিন্ন ধৰণে সহায় কৰি আহিছে । ড্ৰোণ ব্যৱহাৰৰে কৰ’ণা ভাইৰাছ অধিক সংক্ৰমিত নহ’বলৈ সংশ্লিষ্ট কৰ্তৃপক্ষক নানা ধৰণে সহায় কৰিছে। জানো আহক ড্ৰোণে কোভিড-১৯ ৰ বিৰুদ্ধে কেনেদৰে যুঁজত অৱতীৰ্ণ হৈছে ।

ডিব্ৰুগড়ৰ লেজাইত সংঘটিত সৌৰভ দাস নামৰ যুৱকজনৰ ৰহস্যজনক মৃত্যুৰ ঘটনাক কেন্দ্ৰ কৰি উত্তপ্ত পৰিস্থিতি অব্যাহত থকাৰ মাজতে মঙলবাৰে পুৱাই চৰকাৰে আগবঢ়োৱা ক্ষতিপূৰণৰ চেক লৈ ডিব্ৰুগড় উপায়ুক্ত উপস্থিত হয় সৌৰভৰ বাসগৃহত ।

মঙলবাৰে লেহৰ সীমান্তৰ গালৱান ভেলী পৰিদৰ্শন কৰিব স্থল সেনা বাহিনীৰ মুখ্য জেনেৰেল মনোজ মুকুন্দ নাৰভানে । সেনা বাহিনীৰ কামাণ্ডোসকলৰ মাজত হোৱা এখন বিশেষ বৈঠকৰ পাচতে গালৱান ভেলী পৰিদৰ্শন কৰিব জেনেৰেল মনোজ মুকুন্দ নাৰভানে ।

যোৱা সপ্তাহত সীমান্তত সংঘটিত ৰক্তাক্ত সংঘাতত বিশজনকৈ ভাৰতীয় সৈন্য নিহত হোৱাৰ পাছত দেশত চীনা সামগ্ৰীৰ বিৰুদ্ধে এক জোঁৱাৰৰ সৃষ্টি হৈছে । কিন্তু চীনৰ চৰকাৰী মুখপত্ৰত দেওবাৰে ভাৰতক শান্তি বৰ্তাই ৰাখিবলৈ অনুৰোধ জনাই উল্লেখ কৰিছে যে চীনা সামগ্ৰী অবিহনে ভাৰতীয়সকল জীয়াই থকাটো প্ৰায় অসম্ভৱ ।

নুনমাটিত কোনো ভ্ৰমণ বৃত্তান্ত নথকা এজন লোকৰ দেহত ধৰা পৰিছে Covid-19 পজিটিভ ৷

আহোম সম্পৰ্কত আপত্তিজনক মন্তব্য কৰা পশ্চিম বংগৰ গৰ্গ চেটাৰ্জীক শাস্তি প্ৰদানত ব্যৰ্থ সৰ্বানন্দ চৰকাৰ ৷ এই মন্তব্য বিৰোধী দলপতি দেৱব্ৰত শইকীয়াৰ ৷

COVID-19ৰ সংক্ৰমণ ৰোধৰ বাবে ঘোষণা কৰা লক ডাউনৰ ফলত প্ৰায় 55 মিলিয়ন বনকৰা কৰ্মীৰ জীৱিকা সংকটাপন্ন হোৱা বুলি তথ্য প্ৰদান কৰিছে আন্তৰাষ্ট্ৰীয় শ্ৰম সংস্থাই (ILO) ৷ এই 55 মিলিয়নৰ প্ৰায় 37 মিলিয়নেই মহিলাকৰ্মী ৷

ভাৰতৰ প্ৰাক্তন অধিনায়ক ৰাহুল দ্ৰাৱিড় সন্দৰ্ভত এক গুৰুত্বপূৰ্ণ মন্তব্য আগবঢ়াইছে প্ৰাক্তন ক্ৰিকেটাৰ গৌতম গম্ভীৰে । গম্ভীৰৰ মতে, ৰাহুল দ্ৰাৱিড়ৰ অধিনায়কত্বৰ বাবে তেওঁক যিমান কৃতিত্ব দিব লাগিছিল সিমান দিয়া নহ'ল । সেয়া এক দুৰ্ভাগ্য়জনক বুলি উল্লেখ কৰে প্ৰাক্তন ক্ৰিকেটাগৰাকীয়ে ।

মুম্বাইৰ মণ্ডলাৰ মানখুৰদ-ঘাটকোপাৰ লিংক ৰোডত মঙলবাৰে পুৱা সংঘটিত হয় ভয়ংকৰ অগ্নিকাণ্ড ৷ অঞ্চলটোৰ এটা গুদামত সংঘটিত হয় এই অগ্নিকাণ্ড । ঘটনাস্থলীত অগ্নি নিৰ্বাপক বাহিনীৰ পাঁচখন গাড়ী উপস্থিত হৈ তিনি ঘণ্টাৰ পাছত নিৰ্বাপন কৰে জুই ৷

ৰাজধানী চহৰ গুৱাহাটীত COVID-19 ৰ সংক্ৰমণে ভয়ংকৰ ৰূপ ধাৰণ কৰাৰ পৰিপ্ৰেক্ষিতত মহানগৰীৰ সাতটাকৈ ৱাৰ্ডত লক ডাউনৰ সিদ্ধান্ত গ্ৰহণ কৰিছে চৰকাৰে । সোমবাৰে সন্ধিয়া মুখ্যমন্ত্ৰী সৰ্বানন্দ সোণোৱালে ক'ভিড পৰিস্থিতিৰ বুজ লবলৈ অনুষ্ঠিত কৰা এক পৰ্যালোচনা বৈঠকত এই সিদ্ধান্ত গ্ৰহণ কৰা হয় ।