পাঁচ বজাৰ শীৰ্ষ দহটা বাতৰি...

পাঁচ বজাৰ শীৰ্ষ দহটা বাতৰি...

ৰাজ্য চৰকাৰৰ নতুন ভূমি নীতিৰ বিৰুদ্ধে বৃহস্পতিবাৰে গোলাঘাটত প্ৰতিবাদ সাব্যস্ত কৰে গোলাঘাট জিলা ছাত্ৰ সন্থাৰ সদস্য সকলে ৷

বানৰ কবলত সমগ্ৰ ৰাজ্য ৷ ৰাজ্যৰ প্ৰায় 28 খন জিলাৰ 92 টা ৰাজহ চক্ৰ প্লাৱিত কৰিছে বানে ৷ বৰ্তমানলৈকে ৰাজ্যত বানৰ সংহাৰী পৰিস্থিতিয়ে ক্ষতি কৰিছে 21,59,022 গৰাকী লোকক ৷

পথৰ দাঁতি কিম্বা ওচৰ-পাজৰৰ অঞ্চল এতিয়া মুক্ত বিচৰণস্থলী হৈ পৰিছে কাজিৰঙাৰ একাংশ বন্যপ্ৰাণীৰ বাবে ৷ সম্প্ৰতি এই বন্যপ্ৰাণী সমূহৰ ৰক্ষাৰ প্ৰতি লক্ষ্য ৰাখি উদ্যানখনৰ মাজেৰে যোৱা 37 নং ৰাষ্ট্ৰীয় ঘাইপথত জাৰি কৰা হৈছে যান-বাহন চলাচলৰ ক্ষেত্ৰত কিছুমান নীতি-নিয়ম ৷

নেপালৰ প্ৰধানমন্ত্ৰী কে পি শৰ্মা অলিয়ে বৃহস্পতিবাৰে নেপালবাসীক সম্বোধন কৰাৰ সম্ভাৱনা আছে কিয়নো প্ৰধানমন্ত্ৰী আৰু চৰকাৰী পক্ষৰ সহ অধ্যক্ষই পদত্যাগ পত্ৰ দাখিল কৰাৰ সম্ভাৱনা আছে । সময় বৰ্তমানলৈ নিৰ্ধাৰিত হোৱা নাই যদিও প্ৰস্তুতি চলাই থকা হৈছে বুলি উল্লেখ কৰে । কেবিনেটৰ বৈঠকৰ পিচত চূড়ান্ত সিদ্ধান্ত লোৱা হ'ব বুলি উল্লেখ কৰে ।

অক্ষয় কুমাৰৰ আহিবলগীয়া ছবি "বেল বুটাম"ত মুখ্য চৰিত্ৰত অভিনয় কৰিব অভিনেত্ৰী বাণী কাপুৰে ৷ ছবিখনত অক্ষয় কুমাৰৰ বিপৰীতে অভিনয় কৰাৰ সুযোগ লাভ কৰি যথেষ্ট ৰোমাঞ্চিত হৈ পৰিছে অভিনেত্ৰীগৰাকী ৷

তাঁত শিল্পৰ জৰিয়তে অৰ্থনেতিক উন্নয়নৰ লক্ষ‍্য জলসম্পদ মন্ত্ৰী কেশৱ মহন্তৰ ৷ কলিয়াবৰৰ 34 গৰাকী শিপিনীৰ মাজত এক চৰকাৰী আঁচনিৰ অধীনত তাঁতশাল বিতৰণ কৰে মন্ত্ৰীগৰাকীয়ে ৷

কেন্দ্ৰীয় গৃহমন্ত্ৰালয় আৰু প্ৰতিৰক্ষা তথা সুৰক্ষা বাহিনীয়ে দিল্লীত তৈয়াৰ কৰিব 1000 বিচনাযুক্ত কোভিড চিকিৎসালয় ৷ কেন্দ্ৰীয় গৃহৰাজ্য মন্ত্ৰী জি কিষান ৰেড্ডীয়ে এই কথা প্ৰকাশ কৰিছে ৷ আইটিবিপিৰ দ্বাৰা পৰিচালিত দিল্লীৰ ৰাধা স্বামী বিয়াছত শেহতীয়াকৈ স্থাপন হোৱা চিকিৎসালয়খন হৈছে বিশ্বৰ ভিতৰতে সৰ্ববৃহৎ কোভিড-19 চিকিৎসালয় বুলি তেওঁ জানিবলৈ দিয়ে ৷

সমগ্ৰ দেশৰ লগতে বৃহস্পতিবাৰে ৰূপসী ব্লক কংগ্ৰেছ কমিটিয়ে অত্যাৱশ্যকীয় সামগ্ৰীৰ অভাৱনীয় মূল্যবৃদ্ধিৰ বিৰুদ্ধে তীব্ৰ প্ৰতিবাদ সাৱ্যস্ত কৰে ৷ বিজেপি চৰকাৰৰ এই মূল্য বৃদ্ধিয়ে জনসাধাৰণক বাৰুকৈয়ে মাধমাৰ সোধাইছে বুলি মন্তব্য কৰিছে প্ৰতিবাদকাৰীসকলে ৷

মধ্যপ্ৰদেশৰ উজ্জেইনস্থিত এখন চিকিৎসালয়ত বুধবাৰে সুৰামত্ত এজন আৰক্ষী কনিষ্টবলে এগৰাকী চিকিৎসক সহিতে আন এগৰাকী এটেণ্ডেণ্টক আক্ৰমণ কৰি কৰিলে প্ৰহাৰ । ঘটনা সন্দৰ্ভত ইতিমধ্যে উজ্জেইনৰ মাধৱ নগৰত অৱস্থিত আৰক্ষী অধীক্ষকৰ কাৰ্যালয়ত অৱগত কৰি এটা গোচৰ ৰুজো কৰিছে ।

ৰাজ্য সভাৰ সাংসদ বিশ্বজিৎ দৈমাৰীৰ উপস্থিতিত প্ৰায় 6 শতাধিক বিভিন্ন ৰাজনৈতিক দলৰ সদস্যই বিপিএফ দলত যোগদান কৰে ৷ সাংসদজনে অ-জনজাতি লোক সকলকো বিপিএফত যোগদান কৰিবলৈ আহ্বান জনাইছে ৷