পুৱাৰ 11 বজাৰ শীৰ্ষ 10 বাতৰি

পুৱাৰ 11 বজাৰ শীৰ্ষ 10 বাতৰি

বাঘজান তৈলক্ষেত্ৰৰ অগ্নিকাণ্ডৰ ঘটনাক লৈ ৩জনীয়া উচ্চস্তৰীয় কমিটী গঠন কেন্দ্ৰীয় পেট্ৰ'লিয়াম আৰু প্ৰাকৃতিক গেছ মন্ত্ৰণালয়ৰ ৷ ডাইৰেক্টৰেট জেনেৰেল অৱ হাইড্ৰ'কাৰ্বনৰ ডাইৰেক্টৰ জেনেৰেল এছ চি এল দাস , ONGC ৰ প্ৰাক্তন অধ্যক্ষ বি চি বৰা, ONGC ৰ প্ৰাক্তন সঞ্চালক টি কে সেনগুপ্তাক লৈ গঠন কৰিছে কমিটি খন ।

পাথাৰকান্দিৰ তিনোখাল'ত ভয়ংকৰ অগ্নিকাণ্ড । ভষ্মীভূত দুটাকৈ বাসগৃহৰ লগতে এখন দোকান ।

আমগুৰিৰৰ মাউৎ গাঁও খেলপথাৰৰ খেলুৱৈৰ সাজ-সজ্জাৰ কোঠা নিৰ্মাণত ব্যাপক অনিয়ম সংঘটিত হোৱাৰ অভিযোগ উত্থাপন কৰিছে ছাত্ৰ মুক্তি সংগ্ৰাম সমিতিয়ে ৷

চতিয়া সমষ্টিৰ বিধায়ক পদ্ম হাজৰিকাৰ 'কন্যকা' বহুমুখী পাম পৰিদৰ্শন মুখ্যমন্ত্ৰী সৰ্বানন্দ সোণোৱালৰ ৷ ইয়াৰ পাচতে সংবাদমেল সম্বোধন মুখ্যমন্ত্ৰীগৰাকীৰ ৷

হোজাই ষ্টেচনৰ পাচত লংকাত পুনৰ ৰেলৰ চেইন টানি যাত্ৰীৰ পলায়ন। উজনিমুৱা শ্ৰমিক ব্ৰহ্মপুত্ৰ মেইলৰ চেইন টানি পলায়ন যাত্ৰীৰ। ঢলপুখুৰী ষ্টেচন পাৰ হৈ লংকা 2 নং গেটৰ ওচৰত চেইন টানিলে ৰেল যাত্ৰীয়ে।

ডিব্ৰুগড় জিলাৰ টিংখাঙত দুজন যুৱকৰ দেহত পোৱা গৈছে কোভিড-19 ৰ অৱস্থিতি ৷ চেন্নাইৰ পৰা আহি মৰাণ জৱাহৰ নৱোদয় বিদ্যালয়ত কোৱাৰেন্টাইন হৈ আছিল যুৱক দুজন ৷

কোৱাৰেনণ্টাইন নিয়ম উলংঘনৰ অভিযোগ কেন্দ্ৰীয় মন্ত্ৰী ৰামেশ্বৰ তেলীৰ বিৰুদ্ধে ৷ এদিন কোৱাৰেন্টাইনত থাকিয়েই কেন্দ্ৰীয় মন্ত্ৰী তেলীয়ে তিনিচুকীয়া আৱৰ্ত ভৱনত গৈ আলোচনাত মিলিত হোৱাৰ লগতে বাঘজানৰ পৰিস্থিতি বুজ ল'বলৈ গৈছিল মন্ত্ৰীগৰাকী ৷

হাউলী চহৰত গ্ৰেপ্তাৰ ৮ জনীয়া দূধৰ্ষ ডকাইতৰ দল ৷ হাউলী থানাৰ ভাৰপ্ৰাপ্ত বিষয়া পংকজ দাসৰ নেতৃত্বত হাউলী আৰক্ষীয়ে চলাইছিল অভিযান ৷

শেহতীয়াকৈ গোৱাত নতুনকৈ কোভিড-19 ত আক্ৰান্ত হৈছে 30 জন লোক ৷ ইয়াৰ লগে লগে গোৱাত কৰ'ণা ভাইৰাছত আক্ৰান্তৰ সংখ্যা হয় 417 জন ৷

এইবাৰ অসমীয়া ধ্বজা বহনকাৰী অসমীয়া গামোচা ব্যৱহাৰ হ'ব জগন্নাথ ৰথ যাত্ৰাত ৷23 জুনৰ পৰা আৰম্ভ হ'ব লগা জগন্নাথ ৰথ যাত্ৰাত এইবাৰ ব্যৱহাৰ হ'ব অসমীয়া গামোচা ৷