1 বজাৰ শীৰ্ষ 10 বাতৰি...

1 বজাৰ শীৰ্ষ 10 বাতৰি...

এতিয়া ৰাজ্যত বাপতি সাহোন হেঁপাহৰ ভোগালী বিহুৰ বতৰ । আৰু মাথো দুদিনৰ পাছতেই ৰাজ্যজুৰি উদযাপিত হ’ব ভোগৰ উৎসৱ ভোগালী ৷ ইতিমধ্যে বজাৰ ভৰি পৰিছে চাউল, চিৰা, সান্দহ আদিৰে । কংক্ৰিটৰ মহানগৰীৰ বজাৰতো ব্যাপক উৎসাহ ভোগালী বিহু উদযাপনক কেন্দ্ৰ কৰি ।

সম্প্ৰতি ত্ৰিপুৰাত বাৰ্ড ফ্লুৰ কোনো নিশ্চিত প্ৰতিবেদন নাই ৷ ঘৰুৱা হাঁহ আৰু পোৱালী মৃত্যু সম্পৰ্কীয় কিছুমান ঘটনাক কেন্দ্ৰ কৰি বাৰ্ড ফ্লু হোৱাৰ ভুৱা বাতৰি প্ৰচাৰ হয় ৷ শনিবাৰে চৰকাৰী বাসভৱনত এক সংবাদমেল সম্বোধন কৰি এই কথা উল্লেখ কৰে ৰাজ্যখনৰ পশুধন বিভাগৰ মন্ত্ৰী সান্ত্বনা চাকমাই ৷

অসম ৰাজ্যিক পৰিবহন নিগমৰ উদ্যোগত মহিলা আৰু জ্যেষ্ঠ নাগৰিকৰ বাবে গুৱাহাটী মহানগৰীত মুকলি কৰা হ’ল 'ভ্ৰমণ সাৰথি' নামেৰে বিনামূলীয়া বাছ সেৱা ৷

মুখ্যমন্ত্ৰী সৰ্বানন্দ সোণোৱাল দেওবাৰে উপস্থিত হ’ব শিলচৰত ৷ সোণোৱালে উধাৰবন্দ, ধলাই আৰু জয়পুৰ থানাৰ নৱনিৰ্মিত ভৱন উদ্বোধন কৰিব ৷ কাছাৰৰ আৰক্ষী অধীক্ষক বিএল মিনাই প্ৰকাশ কৰা অনুসৰি, মুখ্যমন্ত্ৰীগৰাকীয়ে প্ৰথমে উদ্বোধন কৰিব উধাৰবন্দ থানাৰ নৱনিৰ্মিত ভৱন ৷ ইয়াৰ পিছতে ভাৰ্চুৱেল সম্বোধন কৰি সোণোৱালে উদ্বোধন কৰিব আন কেইখন থানাৰ নৱনিৰ্মিত ভৱনসমূহ ৷ থানাসমূহৰ উদ্বোধনী অনুষ্ঠানত উপস্থিত থাকিব অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত ৷

শনিবাৰে ভাৰত-ম্যানমাৰ সীমান্তৰ গোপা, নিমবাংঙ, কৌলবেম, নিউ ভাইখাওতলাং নাহলান আৰু জখাওছাঙত বাঁহগছৰ পুলি ৰোপন কৰে অসম ৰাইফলছে ৷ ভাৰত-ম্যানমাৰ সীমান্তৱৰ্তী অঞ্চলত বাঁহগছ ৰোপনৰ বাবে উৎসাহ প্ৰদানৰ লগতে সমগ্ৰ মিজোৰামতে পৰিৱেশগত সমতা স্থাপন কৰাই এই অভিযানৰ লক্ষ্য ৷

ডিব্ৰুগড় জিলাৰ ভিতৰত সৰ্বাধিক বানবিধস্ত অঞ্চল পশ্চিম ৰাজহ চক্রৰ অন্তর্গত লৰুৱা মৌজাত মধুপুৰ অঞ্চলত ব্ৰহ্মপুত্ৰৰ পাৰত প্রায় ৩ কিলোমিটাৰ দৈৰ্ঘ্যৰ মথাউৰি নির্মাণৰ নামত সংঘটিত ব্যাপক অনিয়মে অঞ্চলবাসীক ক্ষোভিত কৰি তুলিছে । স্থানীয় বিধায়ক চক্ৰধৰ গগৈয়ে বিষয়টো সন্দৰ্ভত কোনো পদক্ষেপ গ্ৰহণ নকৰাত মুখ্যমন্ত্রীৰ হস্তক্ষেপ দাবী আৰু উচিত তদন্ত কৰি খৰালিৰ ভিতৰতেই শীঘ্ৰে উন্মুক্ত হৈ ৰোৱা মথাউৰিটো নিৰ্মাণৰ দাবী জনাইছে ৰাইজে ।

শনিবাৰে নিশা শিৱসাগৰৰ 37 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা ৷ মাৰুতি চুজুকী আৰু টাটা নেন’ৰ মাজত মুখামুখি সংঘৰ্ষ ৷

কমলপুৰত ন-বিজেপি কৰ্মী আৰু পুৰণি বিজেপি কৰ্মীৰ মাজত মতানক্য ৷ মঙলদৈ লোকসভা সমষ্টিৰ প্ৰাক্তন সাংসদ ৰমেন ডেকাৰ উদ্যোগত শনিবাৰে পুৰণি কৰ্মীৰ মাজত অনুষ্ঠিত হোৱা সভাখনে এই ইংগিত প্ৰদান কৰিছে ৷

ত্ৰিপুৰাত অব্যাহত থকা শিক্ষকৰ প্ৰতিবাদৰ মাজতে শনিবাৰে ৰুমী দেৱবৰ্মা নামৰ এগৰাকী শিক্ষয়ত্ৰীয়ে খোৱাইস্থিত নিজ বাসগৃহত এচিড পান কৰি আত্মহত্যা কৰে ৷ ত্ৰিপুৰাত নিজৰ চাকৰি উভটাই বিচাৰি ধাৰাবাহিক প্ৰতিবাদ অব্যাহত ৰখা প্ৰায় 10,323 গৰাকী শিক্ষকৰ ভিতৰত এগৰাকী আছিল ৰুমী ৷

প্ৰতিনিধিৰ দলটোৱে এই ভ্ৰমণৰ সময়ত আগন্তক অসম বিধানসভা নিৰ্বাচনৰ প্ৰস্তুতিৰ বুজ ল’বলৈ অসমৰ মুখ্য সচিব জিষ্ণু বৰুৱা আৰু ৰাজ্য চৰকাৰৰ অন্যান্য জ্যেষ্ঠ বিষয়াক সাক্ষাৎ কৰাৰ সম্ভাৱনা আছে ।