1 বজাৰ শীৰ্ষ 10 বাতৰি...

1 বজাৰ শীৰ্ষ 10 বাতৰি...

কৰিমগঞ্জত আৰম্ভ কৰা হৈছে লাইফলাইন এক্সপ্ৰেছ সেৱা ৷ বিনামূলীয়া স্বাস্থ্য সেৱা আগবঢ়োৱাৰ উদ্দেশ্যে বৰাকত আৰম্ভ কৰা এই সেৱা উপলব্ধ থাকিব 24 জানুৱাৰীলৈকে ৷

উত্তৰ প্ৰদেশ আৰক্ষীয়ে সোমবাৰে এটা 7 জনীয়া চাইবাৰ অপৰাধী দল আটক কৰে ৷ উত্তৰ প্ৰদেশৰ আগ্ৰাৰ পৰা দলটোক আটক কৰে বুলি জানিবলৈ দিছে আৰক্ষী সুত্ৰই ৷ উল্লেখ্য বিভিন্ন ৱেবছাইটৰ জৰিয়তে চাকৰি ভুৱা বিজ্ঞাপনেৰে সাধাৰণ ৰাইজ পৰা চাইবাৰ অপৰাধী দলটোৱে বৃহৎ অংকৰ ধন আত্মসাত কৰি আহিছিল বুলি জানিবলৈ দিয়ে আৰক্ষী সুত্ৰই ৷

বোকাজানৰ অসম-নগালেণ্ড সীমান্তৰ বালিজানত হস্ত নিৰ্মিত বন্দুক জব্দ । এখন অট'ৰিক্সাত তালাচী চলাই এটা পইণ্ট ২২ বন্দুক, এটা মেগজিন আৰু পইণ্ট ২২ এম এমৰ তিনি জাঁই গুলী জব্দ কৰে আৰক্ষীয়ে । নেইলাচ আও নামৰ এজন লোক আটক ।

আৰক্ষীৰ অভিযানত উৎখাত জুৱাৰ ঘাটি ৷ লগতে আটক তিনিজন জুৱাৰী ৷ জুৰীয়া আৰক্ষীয়ে চলাইছিল এই অভিযান ৷

পূৱ বিলাসীপাৰাৰ চাপৰত ডাম্পাৰৰ দৌৰাত্ম্য ৷ সকলো জনাৰ পিছতো কাণসাৰ নাই জিলা পৰিবহণ বিষয়া, চক্ৰ বিষয়াৰ লগতে বন বিভাগৰ ৷ উপায়ন্তৰহীন হৈ আছাই কৰিলে পথ অৱৰোধ ৷

আন্তৰ্জাতিক ব্ৰেইল দিৱসৰ লগত সংগতি ৰাখি ডিব্ৰুগড়ত অনুষ্ঠিত বিনামূলীয়া চকু চিকিৎসা শিবিৰ ৷ ৰাষ্ট্ৰীয় বাল সুৰক্ষা কাৰ্যক্ৰম আৰু নেশ্যনেল প্ৰগ্ৰেম ফ’ৰ কণ্ট্ৰল অৱ ব্লাইডনেছৰ উদ্যোগত আৰু ডিব্ৰুগড় জিলা প্ৰশাসনৰ সহযোগত এই শিবিৰ অনুষ্ঠিত হয় ৷

ধেমাজিৰ পৰা কেন্দ্ৰীয় সমিতিৰ দায়িত্ব লাভ কৰা তিনিগৰাকী বিষয়ববীয়াক সোমবাৰে AJYCP ৰ জিলা কাৰ্যালয়ত উষ্ম আদৰণি জনাৱা হয় ৷ এই উপলক্ষে ধেমাজি জিলা সমিতিৰ সভাপতি জ্ঞান শৰ্মাৰ সভাপতিত্বত আয়োজন কৰা হয় এক আদৰণি সভাৰ ৷

দেশত কৰ'ণা ভাইৰাছৰ নতুন লক্ষণত আক্ৰান্ত লোকৰ সংখ্যা বৃদ্ধি পোৱাৰ শংকা ৷ ৰাজস্থানত লণ্ডনৰ পৰা উভতি অহা 3গৰাকীকৈ লোক আক্ৰান্ত কৰ'ণা ভাইৰাছত ৷

প্ৰাক্তন কেন্দ্ৰীয় মন্ত্ৰী তথা সাংসদ মুৰলী মনোহৰ যোশীক জন্মদিনৰ শুভেচ্ছা জ্ঞাপন কৰিলে প্ৰধানমন্ত্ৰী মোডীয়ে ৷ এক টুইটাৰৰ জৰিয়তে যোশীৰ দীৰ্ঘায়ু কামনা কৰে প্ৰধানমন্ত্ৰী মোডীয়ে ৷

চাইবাৰ অপৰাধৰ বলি হৈ 7 লাখ টকা হেৰুৱালে বাংগালুৰুৰ এজন ব্যক্তিয়ে ৷ এই সম্পৰ্কত তেওঁ ৰুজু কৰা গোচৰৰ ভিত্তিত বৰ্তমান তদন্ত আৰম্ভ কৰিছে হোৱাইটফিল্ড চাইবাৰ ক্ৰাইম আৰক্ষী থানাই ৷