গুৱাহাটী, ৮ ছেপ্টেম্বৰ : গুৱাহাটীত মহাবাহু ব্ৰহ্মপুত্ৰ(Brahmaputra)ৰ প্ৰাকৃতিক সৌন্দৰ্য ৰাইজে উপভোগ কৰাৰ সুবিধা প্ৰদান কৰাৰ উদ্দেশ্যে স্থানান্তৰিত কৰা হ'ব উপায়ুক্ত আৰু আৰক্ষী আয়ুক্তৰ কাৰ্যালয় । সলনি হ'ব কামৰূপ মহানগৰ জিলা উপায়ুক্ত(DC Office) আৰু আৰক্ষী আয়ুক্তৰ কাৰ্যালয়ৰ ঠিকনা । গুৱাহাটীৰ পাণবজাৰৰ কাছাৰী ঘাটস্থিত কামৰূপ মহানগৰ জিলা উপায়ুক্তৰ কাৰ্যালয়টো ভঙাগড়ৰ সমীপৰ ৰূপনগৰত নিৰ্মাণ কৰা হ'ব আৰু আৰক্ষী আয়ুক্ত(police commissioner)ৰ কাৰ্যালয়ৰ নতুন ঠিকনা হ'ব খানাপাৰা । ৰূপনগৰৰ "অসম চৰকাৰৰ নিৰ্মাণ নিগম(পৰিসীমিত)"ৰ পূৰ্বৰ কাৰ্যালয় আঁতৰাই ১০ বিঘা ভূমিত নিৰ্মাণ কৰা হ'ব উপায়ুক্তৰ নতুন কাৰ্যালয় ।
উপায়ুক্ত আৰু আৰক্ষী আয়ুক্তৰ কাৰ্যালয়ৰ বাবে প্ৰস্তাৱিত ভূমি পৰিদৰ্শন মুখ্যমন্ত্ৰীৰ মঙলবাৰে মুখ্যমন্ত্ৰী ড০ হিমন্ত বিশ্ব শৰ্মা(Himanta Biswa Sarma)ই জিলা উপায়ুক্ত আৰু আৰক্ষী আয়ুক্তৰ বৰ্তমানৰ কাৰ্যালয়ৰ স্থানৰ উপৰিও ৰূপনগৰ আৰু খানাপাৰাৰ প্ৰস্তাৱিত ভূমি পৰিদৰ্শন কৰে । ৰূপনগৰৰ প্ৰস্তাৱিত ভূমি পৰিদৰ্শন কৰি সংবাদ মাধ্যমৰ আগত তেওঁ এই কথা অৱগত কৰে । তেওঁ কয় যে, বৰ্তমান অতি ঠেক পৰিসৰত থকা জিলা উপায়ুক্তৰ কাৰ্যালয়ৰ লগতে গুৱাহাটী ৰাজহ চক্ৰ বিষয়া আৰু জ্যেষ্ঠ উপ-পঞ্জীয়কৰ কাৰ্যালয়টো ৰূপনগৰলৈ স্থানান্তৰৰ সিদ্ধান্ত গ্ৰহণ কৰা হৈছে ।
এই পৰ্যন্ত নিৰ্মাণ কাৰ্যৰ বাবে বাজেট নিৰ্ধাৰণ কৰা হোৱা নাই যদিও অহা তিনি বছৰৰ ভিতৰত নিৰ্মাণ কাৰ্য সম্পূৰ্ণ হৈ উঠিব বুলি আশা প্ৰকাশ কৰিছে মুখ্যমন্ত্ৰীগৰাকীয়ে । নতুন কাৰ্যালয় চৌহদত ২০০ খন গাড়ী পাৰ্কিং কৰিব পৰা ব্যৱস্থাও থাকিব ।
উপায়ুক্ত আৰু আৰক্ষী আয়ুক্তৰ কাৰ্যালয়ৰ বাবে প্ৰস্তাৱিত ভূমি পৰিদৰ্শন মুখ্যমন্ত্ৰীৰ আনহাতে, পুৰণি উপায়ুক্ত কাৰ্যালয়ৰ চৌপাশ মুকলি কৰি ব্ৰহ্মপুত্ৰৰ সৌন্দৰ্য বৰ্ধন কৰা হ'ব আৰু ৰাইজে ব্ৰক্ষ্মপুত্রৰ মনোমোহা প্ৰাকৃতিক সৌন্দৰ্য উপভোগ কৰিব পাৰিব । তদুপৰি ৰাজ্যত নিৰ্মাণ হ'ব ১০টা নতুন উপায়ুক্ত কাৰ্যালয় । ইফালে, খানাপাৰাস্থিত জৈৱিক উৎপাদন প্ৰতিষ্ঠান পশুপালন আৰু পশু চিকিৎসা বিভাগৰ যুটীয়া সঞ্চালকৰ কাৰ্যালয় চৌহদত নিৰ্মাণ হ'ব আৰক্ষী আয়ুক্তৰ নতুন কাৰ্যালয়টো ।
মঙলবাৰে পুৱাই খানাপাৰাৰ সেই স্থান পৰিদৰ্শন কৰি মুখ্যমন্ত্ৰী শৰ্মাই আৰক্ষী আয়ুক্তৰ কাৰ্যালয়টো তিনি বিঘা মাটিত নিৰ্মাণৰ পদক্ষেপ গ্ৰহণ কৰা হৈছে বুলি জানিবলৈ দিয়ে । আনহাতে, নতুনকৈ নিৰ্মাণ হ'বলগীয়া আৰক্ষী আয়ুক্তৰ কার্যালয়টো ৯ মহলীয়া অট্টালিকা হ'ব বুলি উল্লেখ কৰি আৰক্ষী সঞ্চালক প্ৰধান ভাস্কৰ জ্যোতি মহন্তই কয়, নতুন ভৱনত কটকটীয়া নিৰাপত্তা ব্যৱস্থাৰ লগতে পাৰ্কিঙৰ সু-ব্যৱস্থা থাকিব । সকলো ডিচিপি বহাৰ সুবিধা থাকিব ।
উপায়ুক্ত আৰু আৰক্ষী আয়ুক্তৰ কাৰ্যালয়ৰ বাবে প্ৰস্তাৱিত ভূমি পৰিদৰ্শন মুখ্যমন্ত্ৰীৰ অসমৰ কাৰেংঘৰৰ আৰ্হিত নিৰ্মাণ হ'ব নতুন কাৰ্যালয়টো ।' উল্লেখ্য যে, দুমাহৰ ভিতৰত নিৰ্মাণ কাৰ্য আৰম্ভ হ'বলগীয়া আৰক্ষী আয়ুক্তৰ কাৰ্যালয়টো প্ৰায় ১০০ কোটি টকা ব্যয় সাপেক্ষে নিৰ্মাণ কৰি উলিওৱা হ'ব । মুখ্যমন্ত্ৰীৰ ভূমি পৰিদৰ্শনৰ সময়ত মন্ত্ৰী অশোক সিংঘালৰ লগতে আন বিভাগীয় বিষয়াসকল উপস্থিত থাকে ।
লগতে পঢ়ক:৮৫.৯ শতাংশ সাক্ষৰতাৰ হাৰেৰে দেশৰ পঞ্চম স্থানত অসম
