গুৱাহাটী, 9 নৱেম্বৰঃ মহানগৰী গুৱাহাটীত ভাড়াঘৰৰ মালিকৰ অবিবেচকীয় কাণ্ড ৷ আগধন লৈও ঘৰ ভাড়ালৈ নিদিয়াৰ অভিযোগ উঠিছে ভাড়াঘৰৰ মালিকৰ বিৰুদ্ধে ৷ জানিব পৰা মতে, হাতীগাঁৱৰ লক্ষ্মীনাথ বেজবৰুৱা পথৰ 14 নং ঘৰত ভাড়া লৈছিল তিনিগৰাকী যুৱতীয়ে ৷ ঘৰৰ গৰাকী জ্যোতিমা বৰকটকীয়ে অক্টোবৰ মাহতে তিনি যুৱতীৰ পৰা আগধন হিচাপে লৈছিল 6000 টকা ৷ কিন্তু নৱেম্বৰ মাহত ঘৰটোত থাকিবলৈ অহাত তিনি যুৱতীক ঘৰ ভাড়া নিদিও বুলি মন্তব্য কৰে ৷
ইয়াৰ লগতে আগধন হিচাপে দিয়া টকাখিনিও উভতাই নিদিলে গৰাকীয়ে ৷যাৰ পৰিপ্ৰেক্ষিতত উপায়ন্তৰ হৈ হাতীগাঁও থানাত ঘৰটোৰ গৰাকীৰ বিৰুদ্ধে এক গোচৰ ৰুজু কৰে তিনিওগৰাকী যুৱতীয়ে ৷ ইতিমধ্যে ঘটনা সন্দৰ্ভত আৰক্ষী তদন্ত অব্যাহত ৰাখিছে ৷
লগতে পঢ়কঃ নীলা পানী হ্ৰদত প্ৰশাসনৰ ১৪৪ ধাৰা বলবৎ
