গুৱাহাটী,22 ডিচেম্বৰ: সোমবাৰে নিশা মহানগৰীৰ ভূতনাথৰ দুৰ্গা সৰোবৰত সংঘটিত হয় এক চুৰিকাণ্ড ৷ ঘৰত কোনো নথকাৰ সুযোগতে চোৰৰ এটা দলে সংঘটিত কৰে এই চুৰিকাৰ্য ৷ ঘটনাৰ বিৱৰণী অনুসৰি, ভূষণ দাস নামৰ লোকজনৰ ঘৰৰ দুৱাৰ ভাঙি চোৰৰ দলে প্ৰৱেশ কৰি বহু মূল্যৱান সামগ্ৰী লুটি নিয়ে ৷ চোৰৰ দলটোৱে টিভি, বাচন-বৰ্তন, কাপোৰৰ লগতে বহু মূল্যবান সা-সামগ্ৰী লুটি লৈ যায় ৷ মঙলবাৰে পুৱা চোৰে তহিলং কৰা ঘৰখন প্ৰত্যক্ষ কৰে ব্যক্তিগৰাকীয়ে ৷ ততালিকে ব্যক্তিগৰাকীয়ে ঘটনা সন্দৰ্ভত ভৰলুমুখ আৰক্ষীক খবৰ দিয়ে ৷ আৰক্ষীয়ে এই খবৰৰ ভিত্তিত ঘটনাস্থলীত উপস্থিত হৈ প্ৰাথমিক তদন্ত আৰম্ভ কৰে ৷
উল্লেখ্য যে পূৰ্বেও এই অঞ্চলত বহুকেইবাৰ সংঘটিত হৈছিল চুৰিকাণ্ডৰ ঘটনা ৷ সেয়ে আৰক্ষীক নিৰাপত্তাৰ ক্ষেত্ৰত বিশেষ ব্যৱস্থা ল'বলৈ আহ্বান জনাইছে অঞ্চলটোৰ স্থানীয় ৰাইজে ৷
লগতে চাওকঃ 2018-19 চনৰ বিত্তীয় বৰ্ষৰ বাজেট জনসাধাৰণক আঁভূৱা ভৰাৰ বাজেট: ৰিপুণ বৰা
