গুৱাহাটী , 30 মে': মহানগৰীৰ মালিগাঁৱত বৃহস্পতিবাৰে পুৱা এক পথ দুৰ্ঘটনা সংঘটিত হয় ৷ একে ঠাইতে তিনিখন বাহনৰ মাজত সংঘৰ্ষৰ সৃষ্টি হয় ৷ দুৰ্ঘটনাটোৰ অঞ্চলটোত তীব্ৰ যানজঁটৰ সৃষ্টি হয় ৷
জানিব পৰামতে জাবৰ কঢ়িওৱা AS-01-GC-2030 নম্বৰৰ এখন GMCৰ বাহনে AS-01-AZ-2514 নম্বৰৰ এখন ছুইফট ডিজায়াৰ বাহনক মহতিয়াই নিয়াৰ ফলত ছুইফট ডিজায়াৰখনে প্ৰাগজ্যোতিষ উচ্চতৰ মাধ্যমিক বিদ্যালয়ৰ AS-01-HC-2206 নম্বৰৰ এখন স্কুল বাছত খুন্দা মাৰে ৷ ইপিনে দুৰ্ঘটনাটোত গুৰুতৰভাৱে আহত ছুইফট ডিজায়াৰৰ চালকজনক গুৱাহাটী চিকিৎসা মহাবিদ্যালয়লৈ প্ৰেৰণ কৰা হয় ৷ দুৰ্ঘটনাৰ ফলত স্কুল বাছখন ডিভাইডাৰত উঠি যোৱাত বাছখনত থকা তিনিগৰাকী ছাত্ৰী কিছু পৰিমাণে আঘাতপ্ৰাপ্ত হয় ৷ দুৰ্ঘটনাৰ ফলত অঞ্চলটোত তীব্ৰ যানজঁটৰ সৃষ্টি হয় ৷ পৰৱৰ্তী সময়ত জালুকবাৰী আৰক্ষী ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰে ৷
মালিগাঁৱত ভয়ংকৰ পথ দুৰ্ঘটনা
