গুৱাহাটী, ২৬ অক্টোবৰ : পুনৰ গুৱাহাটী মহানগৰীত সুৰা বিক্ৰীয়ে গঢ়িলে অভিলেখ (Liquor sale records in Guwahati)৷ দীপাৱলীৰ দুটা দিনত গুৱাহাটী মহানগৰীত বিক্ৰী হ'ল প্ৰায় ছয় কোটি টকাৰ সুৰা ।
দীপাৱলীৰ দুটা দিনত ৫ কোটি ৯৭ লাখ টকাৰ সুৰা বিক্ৰী হয় ৰাজধানী চহৰখনত (Liquor sale on Diwali in Guwahati)। দৈনিক আঢ়ৈ কোটি টকাৰো অধিক মূল্যৰ সুৰা বিক্ৰী হয় গুৱাহাটী মহানগৰীত । ২৪ অক্টোবৰত ২ কোটি ৫৬ লাখ ৭০ হাজাৰ টকাৰ আৰু ২৫ অক্টোবৰত ২ কোটি ৪৪ লাখ ৬২ হাজাৰ টকাৰ সুৰা বিক্ৰী হয় ।
উল্লেখ যে, দুৰ্গা পূজাৰ সময়তো গুৱাহাটী মহানগৰত সুৰা বিক্ৰীয়ে গঢ়িছিল অভিলেখ । দুৰ্গা পূজাত গুৱাহাটীত ১৬.৮০ কোটি টকাৰ সুৰা বিক্ৰী হৈছিল । উল্লেখ্য যে দুবছৰীয়া ক'ভিড পৰিস্থিতিৰ পাছত ৰাইজে মুকলি মনেৰে সকলো উৎসৱ উপভোগ কৰাৰ লগতে সুৰাপায়ীসকলেও মুকলি মনেৰে পান কৰিলে সুৰা । যাৰ বাবে সুৰা বিক্ৰীৰ ক্ষেত্ৰত সৃষ্টি হ'ল অভিলেখ ।
বিশ্বকৰ্মা পূজাৰ দিনটোতো গুৱাহাটীত বিক্ৰী হৈছিল মুঠ ৬.২০ কোটি টকাৰ সুৰা । বিগত বৰ্ষৰ তুলনাত ৫০ শতাংশ অধিক সুৰা বিক্ৰী হৈছে এইবাৰ । নৱবৰ্ষ, দুৰ্গা পূজা আদি বিভিন্ন উৎসৱ-পাৰ্বনত নতুন নতুন অভিলেখ গঢ়ি সুৰা বিক্ৰী ক্ৰমাৎ বৃদ্ধি পাই গৈ আছে (Guwahati liquor sale records)।
লগতে পঢ়ক : GMC Scam: বোকা নিষ্কাশন কেলেংকাৰীৰ ৯ অভিযুক্তক জেললৈ
