গুৱাহাটী, 21 অক্টোবৰ: মহানগৰীত চাঞ্চল্যকৰ এক অপৰহণ কাণ্ড । এটা কণমানি শিশুক অপহৰণ কৰি পৰিয়ালক দাবী কৰিছিল 1 কোটি টকা । অক্টোবৰৰ ৭ তাৰিখে জালুকবাৰীৰ শৰাইঘাট নগৰত ঘৰৰ সন্মুখত খেলি থকা অৱস্থাত দুৰ্বৃত্তই লৈ গৈছিল কণমানি চৰিফুল ইছলামক । কণমানিটোৱে আৰক্ষীক জনোৱা অনুসৰি, এটা চাৰিজনীয়া দুৰ্বৃত্তৰ দলে চকুত কাপোৰ বান্ধি লৈ গৈছিল তেওঁক । মানকাচাৰৰ এটা ঘৰত ৰাখি মাৰধৰ কৰিছিল শিশুটোক । তাৰ পিছত দুৰ্বৃত্তৰ দলটোৱে পৰিয়ালৰ লোকক ধনদাবী কৰিছিল । এই সমগ্ৰ ঘটনা সন্দৰ্ভত জালুকবাৰী আৰক্ষী চকীত এজাহাৰ দাখিল কৰিছিল পৰিয়ালটোৱে । আৰক্ষীয়ে পৰিয়ালৰ লোকৰ সহযোগত মানকাচাৰৰ ঘন জংঘলৰ পৰা উদ্ধাৰ কৰে শিশুটিক । কিন্তু ঘটনাস্থলীৰ পৰা পলায়ন কৰিবলৈ সক্ষম হয় চাৰিজনীয়া দুৰ্বৃত্তৰ দলটো ।
উদ্ধাৰ কণমানি চৰিফুল ইছলাম
