বিত্ত মন্ত্ৰীৰ বিত্তীয় বৰ্ষৰ আয়-ব্যয়ৰ সাময়িক খতিয়ান

বিত্ত মন্ত্ৰী ডঃ হিমন্ত বিশ্ব শৰ্মাৰ ২০১৮-১৯ বিত্তীয় বৰ্ষৰ আয় ব্যয়ৰ সাময়িক খতিয়ান দাঙি ধৰিলে বিজেপি নেতা সুভাষ দত্ত আৰু জয়ন্ত মল্ল বৰুৱাই ৷ সোমবাৰে বিজেপিৰ হেঙেৰাবাৰীস্থিত মুখ্য কাৰ্যালয়ত সংবাদ মেল সম্বোধন কৰি খতিয়ান দাঙি ধৰে বিজেপি নেতাদুগৰাকীয়ে ৷ লগতে স্বাধীনতাৰ পিছত প্ৰথমবাৰলৈ 15 হাজাৰ কোটি বিত্তীয় বাজেটৰ খৰচ স্পৰ্শ কৰা বুলিও মন্তব্য কৰে সংবাদমেলত ৷

সংবাদমেলত দাঙি ধৰা খতিয়ানসমূহ এনেধৰণৰ......

1. পূৰ্বতে এনে ধৰণে বাজেট দাখিল কৰা খতিয়ান কোনো দলে দাঙি ধৰা নাছিল
2. কিন্তু বিজেপি চৰকাৰ অহাৰ পৰা দ্বিতীয়বাৰৰ বাবে বাজেট দাখিলৰ খতিয়ান দাঙি ধৰা হৈছে
3. কংগ্ৰেছৰ দিনত বিত্তীয় ব্যৱস্থা দুৰ্নীতিৰে ভৰি পৰিছিল
4. বিজেপি চৰকাৰ অহাৰ পিছৰ পৰা সকলো সলনি হৈছে
5. কংগ্ৰেছৰ সময়ত বিত্তীয় বাজেটৰ ব্যয় পৰিমাণ 13 হাজাৰ কোটি টকাৰ হিচাপ দিব পৰা নাছিল
6. 2018-19 বৰ্ষত বি জে পি চৰকাৰৰ ব্যয় পৰিমাণ হৈছে 70658 কোটি টকা
7. কংগ্ৰেছ চৰকাৰতকৈ বিজেপি চৰকাৰে বিত্তীয় বাজেটত 30 হাজাৰ কোটি টকা ব্যয় বৃদ্ধি কৰিছে
8. বিজেপি চৰকাৰে 1,47,141 জন কৃষকৰ 25 শতাংশ ৰাজ সাহায্য আঁচনি ৰূপায়ণ কৰে
9. বিজেপিৰ দিনতে এক হাজাৰ কাঠৰ দলঙৰ 604 খন দলং পকীকৰণৰ কাম আৰম্ভ হৈছে
10. বিজেপি চৰকাৰৰ দিনতে বৃদ্ধ পেঞ্চন লাভ কৰিছে 1,15,511 গৰাকীয়ে
11. বিজেপি চৰকাৰৰ দিনতে বিশেষভাৱে সক্ষম লোকসকললৈ আগবঢ়োৱা হয় 1 হাজাৰ টকা
12. বিজেপি চৰকাৰৰ দিনতে কৰ্মৰত অৱস্থাত মৃত্যু হোৱা 1100 জন কৰ্মচাৰীলৈ সম্পূৰ্ণ দৰমহা প্ৰদান
13. 11,158 জন বাগিচাৰ চৰ্দাৰে লাভ কৰে ম'বাইল ফোন
14. তাৰোপৰি গাঁও অঞ্চলত নিৰ্মাণ কৰা হৈছে 1,084 হাজাৰ পকী ঘৰ