গুৱাহাটী, 6 ডিচেম্বৰ : ব্যতিক্ৰম' নামৰ এটা বে-চৰকাৰী সংস্থাই গুৱাহাটীৰ জেছমিন হুছেইনলৈ আগবঢ়াইছে বৰ্ষশ্ৰেষ্ঠ মহিলাৰ সন্মান । স্কলাৰ চ'চাইটিৰ জৰিয়তে বিগত 20 বছৰ ধৰি শিক্ষাখণ্ডত কাম কৰি থকাৰ বাবে মহিলা গৰাকীলৈ আগবঢ়োৱা হৈছে এই সন্মান ৷
উল্লেখ্য যে, জেচমিন হুছেইনে অতি কম খৰচত ৰাজ্যৰ বিভিন্ন প্ৰান্তৰ শিশু সকলক শিক্ষা প্ৰদান কৰি আহিছে ৷ তাৰোপৰি, পানবজাৰস্থিত ICA এডুস্কীলৰ জৰিয়তে ৰাজ্যৰ শিক্ষাৰ্থীক কাৰিকৰী শিক্ষা প্ৰদান কৰি সংস্থাপনৰ বাট মোকলাই দিছে মহিলা গৰাকীয়ে । এগৰাকী মহিলা হৈয়ো ৰাজ্যৰ শিক্ষাখণ্ডত আগবঢ়োৱা অবদানৰ বাবে জেছমিন হুছেইনক এই সন্মান আগবঢ়াইছে ব্যতিক্ৰম গ্ৰুপে ।
লগতে পঢ়ক : ডিমা হাছাওৰ ষষ্ঠ অনুসূচীৰ ক্ষমতা হ্ৰাস কৰিব বিচাৰিছে বিজেপিয়ে: ডেনিয়েল লাংথাচা
