গুৱাহাটী, ৪ ডিচেম্বৰঃ ১৫ ডিচেম্বৰত দুদিনীয়া ভ্ৰমণসূচী লৈ গুৱাহাটীলৈ আহিব জাপানৰ প্ৰধানমন্ত্ৰী শ্বিনজ' আবে । ১৫ আৰু ১৬ ডিচেম্বৰত গুৱাহাটীত অনুষ্ঠিত হ'ব ইণ্ডো-জাপান সন্মিলন। সন্মিলনত ভাগ ল'বলৈ গুৱাহাটীলৈ আহি আছে জাপানৰ প্ৰধানমন্ত্ৰী গৰাকীৰ লগতে জাপান চৰকাৰৰ এটা বৃহৎ প্ৰতিনিধি দল । একে দিনাই অৰ্থাৎ ১৫ ডিচেম্বৰত দুদিনীয়া ভ্ৰমণসূচীলৈ ইণ্ডো-জাপান সন্মিলনত ভাগ ল'বলৈ বুলি গুৱাহাটীলৈ আহিব প্ৰধানমন্ত্ৰী নৰেন্দ্ৰ মোদীও ।
যাৰ বাবে "কেব" বিৰোধী আন্দোলনত গুৱাহাটীকে ধৰি সমগ্ৰ ৰাজ্যজুৰি এক প্ৰকাৰৰ অস্থিৰ পৰিৱেশ সৃষ্টি হোৱাৰ সময়তে ৰাজধানী চহৰখনক নতুনকৈ চূণ-তেল সানি সজাই পৰাই তোলাৰ লগতে দুজনকৈ প্ৰধানমন্ত্ৰীৰ আদৰণিৰ ব্যৱস্থা কৰাত এতিয়া ভীষণ ব্যস্ত সোণোৱাল চৰকাৰ ।
লগতে পঢ়কঃনতুন দিল্লীত মুখ্যমন্ত্ৰী সোণোৱালক ক'লা পতাকা প্ৰদৰ্শন
