ছয়গাঁৱত হাতে লোটে ধৰি উত্তম মাধ্যম গৰু চোৰক

দগাঁও কালাৰদিয়া গাঁৱৰ এটা ৰাজহুৱা ষাঁড় গৰু ছলেমান আলী নামৰ চোৰটোৱে বান্ধি লৈ পানীখাইতিৰ কলহী নৈৰে পাৰ কৰিবলৈ লওঁতেই স্থানীয় এজন যুৱকৰ চকুত পৰে গাঁৱৰ চিনাকী ষাঁড় গৰুটো ৷ ইয়াৰ পিছতে যুৱকজনৰ সন্দেহ হোৱাত ওচৰতে খেতিপথাৰত কাম কৰি থকা কেইজনমান লোকক খবৰ দিয়ে ৷

ছয়গাঁও,23 মে':লক ডাউনৰ মাজতে ৰাজ্যৰ বিভিন্ন স্থানত বৃদ্ধি পাইছে গৰু চুৰিৰ ঘটনা ৷ তেনে এক ঘটনা সংঘটিত হৈছে ছয়গাঁৱত ৷ ছয়গাঁৱৰ দগাঁও কালাৰদিয়াত স্থানীয় ৰাইজে হাতে-লোটে ধৰা পেলাই উত্তম-মাধ্যম দিয়ে ছলেমান আলী নামৰ এটা গৰু চোৰক ৷ জানিব পৰা মতে, দগাঁও কালাৰদিয়া গাঁৱৰ এটা ৰাজহুৱা ষাঁড় গৰু ছলেমান আলী নামৰ চোৰটোৱে বান্ধি লৈ পানীখাইতিৰ কলহী নৈৰে পাৰ কৰিবলৈ লওঁতেই স্থানীয় এজন যুৱকৰ চকুত পৰে গাঁৱৰ চিনাকী ষাঁড় গৰুটো ৷ ইয়াৰ পিছতে যুৱকজনৰ সন্দেহ হোৱাত ওচৰতে খেতিপথাৰত কাম কৰি থকা কেইজনমান লোকক খবৰ দিয়ে ৷ লগে লগে খেতিপথাৰত থকা দগাঁও কালাৰদিয়া গাঁৱৰ লোক কেইজনে যুৱকজনৰ সহযোগত চোৰজনক কৰায়ত্ত কৰি গাঁওখনৰ গোসাঁইঘৰলৈ লৈ আহি চোৰটোক উত্তম-মাধ্যম দি ছয়গাঁও আৰক্ষীক খবৰ দিয়ে৷ ঘটনাস্থলীত আৰক্ষীৰ লোক উপস্থিত হৈ থানালৈ লৈ যায় ছয়গাঁৱৰ গুমিৰ চৰাইমাৰীৰ ছলেমান আলী নামৰ গৰুচোৰটোক ৷

আনহাতে,ইয়াৰ পূৰ্বতেও গাঁওখনৰ পৰা আন এটা ষাঁড় গৰু চুৰ কৰিছিল ছলেমান আলীয়ে ৷

লগতে পঢ়কঃবটদ্ৰৱা কোৱাৰেণ্টাইন কেম্পত কৰ’ণা পজিটিভ