গুৱাহাটী, ১৫ মে’ : মহানগৰীৰ শিশু নিৰ্যাতনৰ ঘটনাৰ তদন্তত নিতৌ পোহৰলৈ আহিছে ন ন তথ্য (Dr Sangeeta Dutta case) । এজনৰ পাচত আন এজনক গ্ৰেপ্তাৰ কৰিছে মহানগৰ আৰক্ষীয়ে (Doctor Couple case) । ইতিমধ্যে ঘটনা সংক্ৰান্তত চিকিৎসকসহ ৫ জন গ্ৰেপ্তাৰ হৈছে । চিকিৎসক ৱালিউল ইছলাম, বন কৰা মহিলাদ্বয় লক্ষী ৰায় আৰু কাবাইৰ আৰক্ষীৰ জিন্মাৰ ম্যাদ উকলি যোৱাত সোমবাৰে আদালতত হাজিৰ কৰি ন্যায়িক জিন্মালৈ প্ৰেৰণ কৰা হয় ।
ঘটনাৰ তদন্তত শিশু বিক্ৰীৰ আঁৰৰ বৃহৎ চক্ৰৰ কথা পোহৰলৈ আহিছে । তথ্য অনুসৰি, চেইন চিষ্টমত হয় শিশু বিক্ৰী । শিশু বিক্ৰীৰ লগত মহানগৰীৰ একাংশ IVF চিকিৎসক জড়িত থকাৰ সন্দেহ কৰা হৈছে । ঘটনাৰ তদন্তত আৰক্ষীৰ জালত চিকিৎসক পৰাৰো সম্ভাৱনা আছে (Allegation against Doctor couple to abuse child)।
আনহাতে, দেওবাৰৰ নিশা বৰপেটাৰ পৰা মহানগৰ আৰক্ষীয়ে আটক কৰিছে আন এগৰাকী মহিলাক । ২ আশাকৰ্মীৰ স্বীকাৰোক্তিৰ ভিত্তিত আটক কৰা হৈছে মহিলাগৰাকীক । সংগীতা দত্ত আৰু উৎপলা বসুক মুখামুখিকৈ বহুৱাই জেৰা কৰিছে আৰক্ষীয়ে । শিশু কিনা-বেচাক লৈ সংগীতা, উৎপলাৰ বিপৰীত ভাষ্য । প্ৰকৃততে ক’ৰ পৰা অনা হৈছিল এই শিশু দুটিক, উৎপলাক কোনে যোগান ধৰিছিল শিশু দুটি সেই তদন্ত অব্যাহত ৰাখিছে আৰক্ষীয়ে ।
লগতে পঢ়ক : Sangeeta Dutta case: পুনৰ ৫ দিনৰ আৰক্ষীৰ জিম্মালৈ প্ৰেৰণ ডাঃ সংগীতা দত্তক
গুৱাহাটীৰ অভিজাত চেলিব্ৰেটি চিকিৎসক দম্পতীৰ হাতত নিৰ্যাতন তথা যৌন উৎপীড়নৰ বলি হোৱা নিষ্পাপ শিশু দুটিৰ প্ৰকৃত জন্মদাতা পিতৃ-মাতৃ কোন সেই সন্দৰ্ভত লাভ কৰা নাই কোনো তথ্য (Assam Doctor couple to abuse child) ৷ ডাঃ ৱালিউল ইছলাম আৰু ডাঃ সংগীতা দত্তক শিশু দুটিক যোগান ধৰা মধ্যভোগী দালাল উৎপলা বসুৰ লগতে দুই আশাকৰ্মী লালবানু নেছা আৰু ছাবেৰা বেগম জালত পৰিলেও ভুক্তভোগী শিশু দুটিৰ প্ৰকৃত পিতৃ-মাতৃৰ সন্ধান উলিওৱাত হাবাথুৰি খাবলগীয়া হৈছে গুৱাহাটী আৰক্ষী ।
ইফালে কেইবা লক্ষাধিক টকাৰ বিনিময়ত শিশু দুটিক ক্ৰয় কৰিছিল অভিযুক্ত চিকিৎসক দম্পতীয়ে । ল’ৰা শিশুটিক ৫০ হাজাৰ টকাৰ বিনিময়ত ক্ৰয় কৰিছিল ডাঃ সংগীতা দত্তই । শিশু দুটি যমজ সন্তান বুলি চিকিৎসক দম্পতীয়ে দাবী কৰিছিল যদিও আৰক্ষীৰ তদন্তত শিশু দুটি যমজ নহয় বুলি পোহৰলৈ আহিছে । কন্যা শিশুটি বৰপেটাৰ পৰা অনা বুলি প্ৰকাশ কৰিছে যদিও প্ৰকৃত পৰিচয় উদঘাটন হোৱা নাই । ইপিনে ল’ৰা শিশুটিৰ মাতৃ বিবাহ বিচ্ছেদিত মহিলা বুলি জানিব পৰা গৈছে ।
শিশু দুটি নিৰ্যাতনৰ ঘটনাৰ তথ্য পোহৰলৈ অহাৰ পাচতে শিশু সৰবৰাহৰ ভয়ংকৰ তথ্যও পোহৰলৈ আহিছে । শিশু দুটি ক্ৰয় বিক্ৰয়ৰ ঘটনাৰ লগত জড়িত থকা আশা কৰ্মীক জেৰাৰ পাচতে এই তথ্য পোহৰলৈ আহিছে । আশাকৰ্মীৰ পৰা শিশু দুটি ক্ৰয় কৰি উৎপলা বসুৱে সংগীতা দত্তক ল'ৰা শিশুটি ৫০ হাজাৰ টকাত বিক্ৰী কৰিছিল । উৎপলা বসুৱে ল'ৰা সন্তানটিৰ মাতৃক ১০ হাজাৰ টকা দিছিল বুলি জানিব পৰা গৈছে । অৱশ্যে কন্যা শিশুটিৰ কোনো তথ্য পোহৰলৈ অহা নাই । আনহাতে, সমগ্ৰ ঘটনাটোৰ ৰাজসাক্ষী হ’ব পাৰে দুই আশাকৰ্মী ।
লগতে পঢ়ক : Sangeeta Dutta case : ধৃত আশাকৰ্মীৰ স্বীকাৰোক্তি; নিৰ্যাতিতা কন্যা শিশুটিক অনা হৈছিল বৰপেটা পৰা
