গুৱাহাটী, 20 চেপ্তেম্বৰঃ হত্যাকাৰীক যাৱজ্জীৱন কাৰাদণ্ড ৷ গুৱাহাটী ছেছন কৰ্টৰ গুৰুত্বপূৰ্ণ ৰায়দান ৷ 2013 চনৰ 10 ফেব্ৰুৱাৰীত সংঘটিত হৈছিল উক্ত হত্যাকাণ্ডটো ৷ মহানগৰীৰ আদাবাৰীত দিন দুপৰতে ছাহিল আলী নামৰ এজন লোকে ব্যৱসায়িক কন্দলৰ বাবে গুলীয়াই হত্যা কৰিছিল চিৰাজুল আলী আহমেদ নামৰ এজন লোকক ৷ ইয়াৰ পাচতেই চিৰাজুল আলী আহমেদৰ পৰিয়ালে ন্যায় বিচাৰি জালুকবাৰী আৰক্ষী থানাত দাখিল কৰিছিল এজাহাৰ ৷ এই এজাহাৰৰ ভিত্তিত জালুকবাৰী আৰক্ষীয়ে 85/15 নম্বৰত এটা গোচৰ ৰুজু কৰিছিল আৰু গুৱাহাটী ছেছন কৰ্টত আৰম্ভ হৈছিল আইনী প্ৰক্ৰিয়া ৷ অৱশেষত প্ৰায় ছয় বছৰীয়া আইনী যুঁজৰ অন্তত বৃহস্পতিবাৰে দুৰ্ভগীয়া পৰিয়ালটোৱে পালে ন্যায় ৷ হত্যাকাৰী ছাহিল আলীক আদালতে যাৱজ্জীৱন কাৰাদণ্ডৰ লগতে বৃহৎ পৰিমাণৰ জৰিমনা বিহে ৷
ছয় বছৰীয়া আইনী যুঁজৰ অন্তত ন্যায় পালে এটা পৰিয়ালে
