গুৱাহাটী, ১৭ ছেপ্তেম্বৰ : লাচিত ঘাটত বিশ্বকৰ্মা পূজাৰ সেৱা লৈ আভ্যন্তৰিণ জল পৰিবহন বিভাগৰ উদ্যোগত আৰু বিশ্ব বেংকৰ সাহায্যৰে নিৰ্মিত ৫খন অত্যাধুনিক জাহাজ অনুষ্ঠানিক ভাৱে উদ্বোধন কৰে মুখ্যমন্ত্ৰী হিমন্ত বিশ্ব শৰ্মাই । শৰ্মাই জাহাজ কেইখন উদ্বোধন কৰি সংবাদ মাধ্যমৰ আগত কয় যে, ১০০ জন যাত্ৰী আৰু ৫০ খন মটৰ চাইকেল কঢ়িয়াব পৰা ৩ খন ষ্টীল কেটামাৰান জাহাজ আজি উদ্বোধন কৰা হ’ল । তাৰ সমান্তৰালভাৱে মুখ্যমন্ত্ৰী গৰাকীয়ে কয় যে, ৰাজ্য চৰকাৰে এক অভিলাষী আঁচনি গ্ৰহণ কৰিছে ।
মাজুলী-যোৰহাট-নিমাতীঘাট আৰু কমলাবাৰীত এম ভি লোহিত(Lohit), গুৱাহাটী আৰু কুৰুৱাৰ মাজত এম ভি সোণাই (sonai) আৰু ধুবীৰত এম ভি প্ৰতিমা(pratima) নামৰ জাহাজ কেইখন চলিব । আজিয়েই নিমাতীঘাটলৈ জাহাজখন যাত্ৰা কৰিব ৭ দিনৰ পিছত জাহাজখন সেই স্থান পাব ।
নিমাতীঘাটত ৩ খন জাহাজ আৰু ২ খন ৰ’পেক্স মুঠ ৫ খন জাহাজ চলিলে যোৰহাট আৰু মাজুলীৰ মাজত যি অসুবিধা হৈ আছিলে সেই অসুবিধা দূৰ হ’ব বুলি মই ভাবো । একক ইঞ্জিনৰ নাও ডাবুল ইঞ্জিনত পৰিণত কৰাৰ বাবে এক পদক্ষেপ হাতত লোৱা হৈছে । প্ৰায় ৮৫৩ খন জাহাজ মেৰাইন ইঞ্জিনলৈ ৰূপান্তৰ কৰা হ’ব । একোখন জাহাজত প্ৰায় ১০ লাখ টকাকৈ খৰচ হ’ব । যাৰ বাবে প্ৰায় ৯০ কৌটি টকাৰ এক আঁচনি গ্ৰহণ কৰিছে ৰাজ্য চৰকাৰে ।
লগতে পঢ়কঃ প্ৰধানমন্ত্ৰী মোডীৰ শাসনকালৰ মাইলৰ খুঁটিসমূহৰ চমু আভাষ...
ড৹ হিমন্ত বিশ্ব শৰ্মাই জানিবলৈ দিয়া অনুসৰি অহা সপ্তাহত ধুবুৰীত প্ৰায় ৭ টা মেৰাইন ইঞ্জিন গৈ পাব । একেদৰে মাজুলীলৈ অৰ্ডাৰ দিয়া হৈছে কেইবাটাও মেৰাইন ইঞ্জিন সেই কেইটা আগন্তুক ৫০ দিনৰ ভিতৰত মাজুলীলৈ পঠোৱাৰ ব্যৱস্থা কৰিব । ৰাজ্য চৰকাৰে ৫ খন ৰ’পেক্স জাহাজ কিনিবলৈ সিদ্ধান্ত লৈছে যাতে অতি শীঘ্ৰে নদীৰ ওপৰেদি যাত্ৰীয়ে নিৰাপদে যাত্ৰা কৰিব পাৰে ৷
একেদৰে মুখ্যমন্ত্ৰী গৰাকীয়ে কয় যে, নাৱিকক প্ৰশিক্ষণ দিয়াৰ লগতে জাহাজৰ FITNESS পৰীক্ষা কৰা হ’ব, জাহাজ সমূহৰ পৰিচৰ্যাৰ বাবেও থাকিব বিশেষ ব্যৱস্থা । আভ্যন্তৰীণ জল পৰিবহণ বিভাগত নতুন পদৰ প্ৰয়োজন নাই । যিখিনি মানুহ আছে তেওঁলোকে ভালকৈ কাম কৰিলে ভাল হ’ব ।
যিমান দলং হ’ব ঘাট সমূহত মানুহৰ প্ৰয়োজন কমিব । উল্লেখযোগ্য যে, আজি মুকলি কৰা জাহাজ কেইখন গুজৰাটৰ ভাৰুচৰ পৰা নিৰ্মাণ হৈ আহিছে । ইপিনে আজি মুকলি কৰা ৫ খন জাহাজৰ দুখন জাহাজ চাৰ্ভেৰ কামৰ বাবে নিয়োজিত কৰা হ’ব বুলি মুখ্যমন্ত্ৰী গৰাকীয়ে সংবাদ মাধ্যমৰ আগত সদৰি কৰিছে ৷
লগতে পঢ়কঃ মন্ত্ৰী ৰণজিৎ কুমাৰ দাসৰ সমষ্টিত লুৰিণজ্যোতি গগৈৰ গৰ্জন
