গুৱাহাটী, 8 ফেব্ৰুৱাৰীঃ নাগৰিকত্ব সংশোধনী আইন প্ৰত্যাহাৰৰ লগতে অসম প্ৰদেশ যুৱ কংগ্ৰেছৰ সভাপতি কামৰুল ইছলাম, জুৱেৰ আলম আৰু অন্যান্য যুৱ সদস্যক বিনা চৰ্তে মুক্তিৰ দাবীত শনিবাৰে অসম প্ৰদেশ যুৱ কংগ্ৰেছৰ উদ্যোগত, গুৱাহাটীৰ মানবেন্দ্ৰ শৰ্মা কমপ্লেক্সৰ পৰা 'জেল ভৰো' আন্দোলন কাৰ্যসূচী গ্ৰহণ কৰে ৷ কাৰ্যসূচীত অসমৰ প্ৰাক্তন মুখ্যমন্ত্ৰী তথা কংগ্ৰেছৰ জ্যেষ্ঠ নেতা তৰুণ গগৈ, অসম প্ৰদেশ কংগ্ৰেছ কমিটিৰ সভাপতি ৰিপুন বৰা, কংগ্ৰেছৰ বিধায়ক ৰকিবুল হুছেইন, প্ৰাক্তন বিধায়ক অকণ বৰা, ভাৰতীয় জাতীয় যুৱ কংগ্ৰেছৰ সভাপতি শ্ৰী নিবাসসহ কেইবাগৰাকীও ব্যক্তিয়ে অংশগ্ৰহণ কৰে ৷
উল্লেখ্য যে, মানবেন্দ্ৰ শৰ্মা কমপ্লেক্সৰ পৰা উলিওৱা এই প্ৰতিবাদী সমদলক আৰক্ষীয়ে বাধা প্ৰদান কৰে ৷ ফলত প্ৰতিবাদকাৰী আৰু আৰক্ষীৰ মাজত হতাহতিৰ সৃষ্টি হয় ৷ আৰক্ষীয়ে ভাৰতীয় জাতীয় যুৱ কংগ্ৰেছৰ সভাপতি শ্ৰী নিবাস, অসম প্ৰদেশ কংগ্ৰেছৰ উপ সভাপতি, সাধাৰণ সম্পাদককে ধৰি দুই শতাধিক প্ৰতিবাদকাৰীক আটক কৰে ৷
লগতে পঢ়ক ঃ কাকপথাৰত CAA বাতিলৰ দাবীত শহস্ৰাধিক ৰাইজৰ উপস্থিতিত 'গণ গৰ্জন' কাৰ্যসূচী
