Bhutan Kurichu Dam water release: "ভূটানে লাহে লাহে এৰিছে বান্ধৰ পানী"-মুখ্যমন্ত্ৰীৰ আশ্বাস

ৰাজ্যৰ প্ৰথমটো বানৰ পিচতে জলপ্ৰলয়ৰ আশংকাত ত্ৰস্ত হৈছে নামনিৰ জনসাধাৰণ ৷ এই সন্দৰ্ভত ৰাজ্যবাসীক আশ্বাস মুখ্যমন্ত্ৰীৰ ৷

গুৱাহাটী, ১৪ জুলাই : অসমৰ চুবুৰীয়া ৰাষ্ট্ৰ ভূটানৰ কুৰিশ্বু বান্ধ আৰু ৰাষ্ট্ৰখনৰ পৰা বৈ অহা আন নৈৰ পানীয়ে নামনি অসমৰ জনজীৱন বিভীষিকাময় কৰি তুলিছে ৷ যোৱা নিশা ১২ বজাৰ পৰা ভূটানে এৰিছে নদী বান্ধটোৰ পানী। পুৱা ৯ বজালৈ মুঠ ৯ ঘণ্টা সময় বান্ধৰ পানী এৰি দিয়াৰ কথা আছিল যদিও অদ্যপি বান্ধটোৰ পানী এৰাৰ কাৰ্য কি পৰ্যায়ত আছে সেয়া জানিব পৰা হোৱা নাই ৷

ইয়াৰ পিচতে অসমৰ মুখ্যমন্ত্ৰী হিমন্ত বিশ্ব শৰ্মাই ভূটানৰ পৰা পানী এৰাৰ সন্দৰ্ভত এক টুইট কৰে ৷ মুখ্যমন্ত্ৰীগৰাকীয়ে অসমৰ বানাক্ৰান্তসকলক আস্বস্ত কৰাৰ উদ্দেশ্যে টুইটটোত সদৰী কৰে যে, ভূটানৰ কুৰিশ্বু বান্ধ কৰ্তৃপক্ষই পুৱাৰে পৰা অতি সাৱধানেৰে অতিৰিক্ত পানী এৰি দিছে । ইয়াৰ বাবে শংকিত হোৱাৰ প্ৰয়োজন নাই। প্ৰতিবেদন অনুসৰি প্ৰকল্পটোৰ উজনিৰ অংশত ভূটানত বতৰ কালিতকৈ যথেষ্ট উন্নত হৈছে। সেয়ে নামি অহা পানীৰ বৰ বেছি নহ’ব ৷ এই সন্দৰ্ভত ৰাজ্য চৰকাৰে সকলোখিনি সুক্ষ্মভাৱে পৰ্যালোচনা কৰিছে।

• This morning, the Kurichu dam authority started releasing excess water. The excess water is being carefully redirected through the gates to control the flow. According to reports, the weather in the upstream of the plant has improved since yesterday. Therefore the amount of water… pic.twitter.com/vpPWFLgfoY

  — Himanta Biswa Sarma (@himantabiswa) July 14, 2023 " class="align-text-top noRightClick twitterSection" data="

  This morning, the Kurichu dam authority started releasing excess water. The excess water is being carefully redirected through the gates to control the flow. According to reports, the weather in the upstream of the plant has improved since yesterday. Therefore the amount of water… pic.twitter.com/vpPWFLgfoY

  — Himanta Biswa Sarma (@himantabiswa) July 14, 2023

  ">

  This morning, the Kurichu dam authority started releasing excess water. The excess water is being carefully redirected through the gates to control the flow. According to reports, the weather in the upstream of the plant has improved since yesterday. Therefore the amount of water… pic.twitter.com/vpPWFLgfoY

  — Himanta Biswa Sarma (@himantabiswa) July 14, 2023

লগতে মুখ্যমন্ত্ৰী গৰাকীয়ে টুইটাৰত সংলগ্ন কৰিছে বাক্সা জিলা প্ৰশাসনে সদৰী কৰা পুৱা ৮ বজাত জিলাখনৰ নদীসমূহৰ জলস্তৰৰ প্ৰতিবেদন ৷ সেই প্ৰতিবেদন অনুসৰি বেকী আৰু মৰা পাগলাদিয়াত বানৰ জলস্তৰ কমিছে। কালদিয়া নদীত এতিয়াও পানী বাঢ়িয়েই আছে ৷ পহুমাৰা নদীত পানী কিছু পৰিমাণে স্থিৰ হৈ একে অৱস্থাতে আছে ৷ কেইবাখনো নদীত কিন্তু বিপদ সীমাৰ সামান্য তলেৰে পানী বৈ আছে ৷

উল্লেখযোগ্য যে, এইবাৰ নামনি অসমৰ নলবাৰী, বাক্সা, বজালী আৰু চিৰাং জিলাত ভূটানৰ পানীয়ে প্ৰলয়ংকৰী বানৰ সৃষ্টি কৰিছে ৷ এইটো বছৰৰ দ্বিতীয়টো বানত ককবকাইছে অঞ্চলটোৰ লোকসকলে ৷ ইতিমধ্যে ভূটানৰ কুৰিশ্বু বান্ধৰ পানী এৰি দিয়াৰ পেৰিপ্ৰেক্ষিতত বৃহস্পতিবাৰে নিশাই প্ৰশাসনে হাই এলাৰ্ট জাৰি কৰি বাক্সাৰ শালবাৰীৰ নৈৰ দুপাৰৰ অঞ্চলৰ জনসাধাৰণক সতৰ্ক কৰি দিছিল ৷ বৰ্তমানলৈ ৬ খন গাঁৱৰ লোকক নিৰাপদ স্থানলৈ স্থানান্তৰ কৰাৰ ব্যৱস্থা কৰা হৈছে বুলি জানিব পৰা গৈছে ৷

এতিয়া প্ৰশ্ন হৈছে মুখ্যমন্ত্ৰী টুইটাৰযোগে অত্যাধিক বিপদৰ আশংকা নকৰিবলৈ কৰা আহ্বানে বৰপেটা, নলবাৰী, বাক্সা, চিৰাং জিলাৰ ৰাইজক আস্বস্ত কৰিব পাৰিবনে ? কিয়নো ইতিমধ্যেই কেইবাখন জিলাতেই ভূটানৰ কুৰিশ্বু বান্ধ আৰু তাৰ পৰা বৈ অহা আন নদীৰ বানপানীয়ে ৰাইজক জলপ্ৰলয়ৰ তিক্ত অভিজ্ঞতা দিয়াৰ লগতে জনজীৱন দুৰ্বিসহ কৰি তুলিছে ৷

লগতে পঢ়ক: Assam CM on Bhutan Kurichu Dam water release: ভূটানে খুলিলে কুৰিশ্ব’ বান্ধৰ পানী, ফেনেফুটুকাৰে ওফন্দিব বেকী-মানাহ: মুখ্যমন্ত্ৰীৰ সতৰ্কবাণী