গুৱাহাটী, 28 ডিচেম্বৰঃ ভাৰতীয় জনতা পাৰ্টীৰ পৰা অসমৰ প্ৰথমগৰাকী ৰাজ্যসভাৰ সাংসদ তথা বিজেপিৰ প্ৰাক্তন ৰাজ্যিক সভাপতি ইন্দ্ৰমণি বৰাৰ মৃত্যু ৷ শুকুৰবাৰে নিশা 2 বজাত উজানবজাৰস্থিত নিজা বাসগৃহত মৃত্যু হয় প্ৰাক্তন নেতাগৰাকীৰ ৷ মৃত্যুৰ সময়ত বৰাৰ বয়স আছিল ৮২ বছৰ ৷
উল্লেখ্য যে, বিজেপিৰ উত্থানৰ বাবে বহু ত্যাগ স্বীকাৰ কৰিছিল নেতাগৰাকীয়ে ৷ শনিবাৰে নৱগ্ৰহত ৰাজ্যিক মৰ্যদাৰে অন্তিম সৎকাৰ কৰা হব নেতাগৰাকীক ৷ ইতিমধ্যে নেতাগৰাকীৰ বাসগৃহত উপস্থিত হৈ শোকদগ্ধ পৰিয়ালক সাক্ষাৎ কৰি গভীৰ শোক প্ৰকাশ কৰিছে মুখ্যমন্ত্ৰী সৰ্বানন্দ সোণোৱালে ৷ মুখ্যমন্ত্ৰীগৰাকীৰ লগতে প্ৰয়াত সাংসদগৰাকীৰ ঘৰত উপস্থিত হৈ গভীৰ শোক প্ৰকাশ কৰিছে সাংসদ দিলীপ শইকীয়া আৰু ৰাজ্যিক বিজেপিৰ সভাপতি ৰঞ্জিত দাসে ৷ সাংসদগৰাকীৰ ঘৰত উপস্থিত হৈ মুখ্যমন্ত্ৰী সৰ্বানন্দ সোণোৱালে গভীৰ শোক প্ৰকাশ কৰাৰ লগতে তেওঁ প্ৰাক্তন সাংসদ ইন্দ্ৰমণি বৰাৰ ভাতৃ সদৃশ আছিল বুলি উল্লেখ কৰে ৷
লগতে পঢ়কঃ "জয় আই অসম" ধ্বনিৰে মুখৰিত দৈজিং উৎসৱস্থলী
